EO jeke ınvestıtsııalar salasynda Ortalyq Azııa elderimen yntymaqtastyqty nyǵaıtpaq

BІShKEK. QazAqparat – Eýropalyq odaq Ortalyq Azııanyń senimdi seriktesi bolyp sanalady. Búgin Bishkekte «Eýropalyq odaq – Ortalyq Azııa» ekonomıkalyq forýmynda EO-nyń Ortalyq Azııa boıynsha arnaýly ókili Terı Hakala osylaı aıtty, dep habarlaıdy QazAqparat tilshisi.

«Pandemııa áli kúnge deıin tıisti deńgeıde shekteý is-sharalaryn oryndaýǵa májbúrlep otyr. Sondyqtan biz osynda shekteýli formatta jınalyp otyrmyz. Osy oraıda onlaın platforma arqyly forýmǵa qosylý múmkindigin jasaldy. Eýropalyq odaq Ortalyq Azııanyń senimdi seriktesi bolyp sanalatynyn atap ótkim keledi. Biz osy múmkindikti tıisti deńgeıde paıdalanǵymyz keledi», - dedi Terı Hakala.

Sonymen qatar ol Táýilsizdiginiń 30 jyldyǵyn atap ótip jatqan elderge óz quttyqtaýyn jetkizdi.

«Sizderdiń reformalaryńyz jolynda Eýropalyq odaq únemi birge boldy. Biz «jasyl» ekonomıkany damytýǵa, básekege qabilettilikti kóterý, sondaı-aq Ortalyq Azııa ekonomıkasyn pandemııaǵa deıingi kezeńge qalpyna keltirýde qoldaý jasaýǵa múddelimiz. Osy oraıda túrli múmkindikterge qol jetkizý men tıisti maqsattarǵa jetý úshin jol ashylady», - dedi EO-nyń Ortalyq Azııa boıynsha arnaýly ókili.

Bul turǵyda ol tsıfrlandyrý jáne iskerlik ortany jaqsartýǵa ekpin qoıylyp otyrǵanyn atap ótti. Osy baǵyttarda birlese atqaratyn qadamdardy pysyqtaý kerek. Sondyqtan egjeı-tegjeıli talqylaý aldaǵy jyldardaǵy jumystarǵa tyń serpin beredi.

Onyń paıymynsha, Eýropalyq odaq iri jeke ınvestıtsııalar kózi retinde Ortalyq Azııada birlese jumys isteýde joǵary áleýetke ıe.

Budan buryn habarlanǵandaı, búgin Bishkekte Premer-Mınıstrler deńgeıinde «Eýropalyq odaq – Ortalyq Azııa» ekonomıkalyq forýmy bastaldy.