EO Vladımır Pýtın men Sergeı Lavrovqa sanktsııa saldy

BRıÝSSELЬ. TASS- QazAqparat – Eýropalyq Odaq Reseı Prezıdenti Vladımır Pýtın, Premer-Mınıstr Mıhaıl Mıshýstın, Syrtqy ister mınıstri Sergeı Lavrov, Qaýipsizdik Keńesi tóraǵasynyń orynbasary RF Dmıtrıı Medvedev pen Іshki ister mınıstri Vladımır Kolokoltsevke Ýkraınadaǵy operatsııaǵa baılanysty «qara tizimge» engizdi.

Bul týraly senbi kúni arnaıy normatıvtik aktiler jarııalanǵan EO Resmı jýrnalynan málim boldy, dep habarlaıdy QazAqparat reseılik TASS agentttigine silteme jasap.

Tizimde Reseı basshylyǵynda otyrǵandar, Parlament depýtattary men sheneýnikter, joǵary shendi áskerı qolbasshylar, Belarýs eliniń shekara bazalary men ózge de bólikterinde basshylyqta otyrǵan 98 adam bar.

«Jaǵdaıdyń kúrdeliligine oraı Keńes ókilderi Reseı tarapynyń ózderin respýblıka dep jarııalaǵan Donetsk men Lýgansk memleketterin shuǵyl moıyndaý kerektigin qoldaǵan Ulttyq qaýipsizdik komıtetiniń ókilderi de shekteýler engiziletin jeke jáne zańdy tulǵalar tizimine engizilýi kerek dep esepteıdi. Buǵan qosa Reseı tarapynyń áskerı agressııasyna qoldaý kórsetken Belarýs tarapynyń da ókilderi, sondaı-aq «Reseı Federatsııasy men Donetsk halyq respýblıkasy, Reseı Federatsııasy men Lýgansk halyq respýblıkasy arasyndaǵy dostyq, yntymaqtastyq, ózara kómek týraly» úkimettiń sheshimin ratıfıkatsııalaǵan Memlekettik dýmanyń ókilderi de engizilýi kerek»,-delingen habarlamada.

Málimdemege EO «qara tizimge» engizgen 98 adamnyń aty-jóni qosa berilgen. Osylaısha, tizimdegi adamdar sany 670-ti qurady.