EO Túrkııadaǵy Sırııa bosqyndaryna €50 mln bóldi
Bul týraly Eýropalyq komıssııa habarlamasynda aıtylǵan, dep habarlaıdy QazAqparat Túrkııanyń Anadoly agenttigine silteme jasap.
Qosymsha qarjy medıtsınalyq, quqyqtyq kómek pen psıhologııalyq jáne áleýmettik qoldaý úshin bólinip otyr.
Atalmysh kómek Túrkııadaǵy 1,5 mln adamdy qamtıtyn Áleýmettik yntymaqty qoldaý baǵdarlamasynyń (SUY) bir bóligi. Osy baǵdarlamanyń arqasynda sırııalyq bosqyndar páter jaldaý, kólik, azyq-túlik pen medıkamentterdiń aqysyn tóleı alady.
«Eýropalyq komıssııasy 2021 jyldyń maýsym aıynda Túrkııadaǵy bosqyndardy qoldaýǵa 3 mlrd eýro beriletini týraly málimdegen bolatyn. Bul qoldaý sharalary 2024 jylǵa deıingi aralyqty qamtıdy. 50 mln eýro osy qarjynyń bir bóligi.
Atalǵan soma sonymen qatar 2021 jyldyń jeltoqsanynda SUY aıasynda gýmanıtarlyq kómek kórsetý maqsatynda bólingen 325 mln eýroǵa qosymsha bólingen qarjy bolyp tabylady. Tutastaı alǵanda, 2021 jyldan beri Túrkııaǵa bólingen qarjy kólemi 3,34 mlrd eýrony qurap otyr»,-delingen habarlamada.