EO syrtqy saıasatynyń basshysy Gaza sektoryndaǵy shyǵyn kólemin atady

<p>ASTANA. KAZINFORM &ndash; Gaza sektorynda Izraıldiń HAMAS lańkestik tobymen soǵysy kezinde azamattyq ınfraqurylymnyń shamamen 35% qıraǵan. 60%-dan astamy zaqymdalǵan. Aldyn ala málimet boıynsha, materıaldyq shyǵyn ondaǵan mıllıard dollardy quraıdy. Bul týraly Eýroparlamenttiń Strasbýrgte ótken otyrysynda Eýroodaq Syrtqy ister mınıstri Jozep Borrel málimdedi, dep habarlaıdy <a href="https://ru.euronews.com/2024/04/24/borrell-on-gaza-destruction" target="_blank" rel="noopener">Euronews</a>.&nbsp;</p>

«Gaza sektoryndaǵy qalalar Ekinshi dúnıejúzilik soǵys kezinde Germanııaǵa qaraǵanda kóbirek zardap shekti, bul salystyrýdy elestetip kórińizshi. Jaqynda Dúnıejúzilik bank pen Birikken Ulttar Uıymy Eýropalyq Odaqtyń qarjylyq qoldaýymen keltirilgen shyǵyndy aralyq baǵalaýy tikeleı shyǵyn shamamen 90 mlrd dollarǵa baǵalady», - dedi Jozep Borrel.

Anklavtaǵy gýmanıtarlyq jaǵdaı kúrdeli kúıinde qalyp otyr. BUU-nyń Taıaý Shyǵystaǵy palestınalyq bosqyndarǵa kómek kórsetý jónindegi agenttiginiń bas komıssary BAPOR-dy qarjylandyrýdy toqtatqan elder uıymmen seriktestikti qalpyna keltiredi degen úmit bildirdi. Birneshe aı buryn Izraıl BAPOR-dyń keıbir qyzmetkerleriniń lańkestik toptarmen baılanysy bar ekenin málimdedi. Bir kún buryn táýelsiz sarapshylar toby BAPOR jumysyn tekserý týraly qorytyndy esebin jarııalady. Onda Izraıl óz aıyptaryn dálelmen rastamaǵanyn aıtady.