EO shekarasynda myńdaǵan júk kóligi toqtap tur

NUR-SULTAN. QazAqparat - Sońǵy kúnderi Polsha men Belarýs shekarasynda Reseı men Belarýs júk kólikteriniń uzaq shaqyrymǵa sozylǵan kezegi paıda boldy. Bul eki el kólik júrgizýshileriniń Eýroodaqta júrýine tyıym salatyn jańa sanktsııalar paketi kúshine engenge deıin ketýge árekettengenimen baılanysty, dep habarlaıdy QazAqparat euronews aqparat agenttigine silteme jasap.

Senbi kúni «Koroşın» baqylaý-ótkizý beketindegi kólik keptelisi 80 shaqyrymǵa sozyldy, keıbir júk kólikteri shekarada 30 saǵattan astam ýaqyt turyp qaldy.

Sonymen qatar, Latvııa men Lıtvanyń shekaralarynda júk kólikteriniń uzyn-sonar kezegi tirkelgen. Biraq Lıtva bıligi turyp qalǵan júk kólikteriniń ótýine belgilengen merzimnen keıin de ruqsat beretinin aıtty.

Sáýir aıynyń basynda Eýroodaq Reseıge qarsy sanktsııalardyń besinshi paketin maquldaǵan bolatyn. Onyń ishinde reseılik jáne belarýs kólik tasymaldaýshylarynyń EO aýmaǵynda júrýine de tyıym salynǵan. EO-da tek azyq-túlik, dári-dármek, poshta jáne energııa tasymaldaýshy kólikterge júrýge ruqsat etilgen.