EO Reseıge qarsy altynshy sanktsııalar paketin maquldady

NUR-SULTAN. QazAqparat – Eýropalyq odaq elshileri Reseıdiń áskerı qyzmetin qarjylandyrý múmkindigin shekteýge baǵyttalǵan altynshy sanktsııalar paketin qabyldady, dep habarlaıdy QazAqparat tilshisi Bloomberg agenttigine silteme jasap.

Bul sharalar EO-ǵa múshe elderge Reseıden teńiz arqyly jetkiziletin shıki munaıdy 6 aıǵa, sondaı-aq munaı ónimderin 8 aıǵa satyp alýǵa tyıym salady.

Sanktsııalar paketi Sberbankti, Máskeý kredıttik bankin jáne Rosselhozbankti SWIFT halyqaralyq tólem júıesinen ajyratýdy, reseılik kompanııalarǵa konsaltıngilik qyzmet kórsetýge jáne birqatar hımııalyq zattardyń saýdasyna tyıym salýdy qarastyrady.

Sondaı-aq sanktsııa sharalary gımnast, Olımpıada chempıony Alına Kabaevaǵa, ondaǵan áskerı qyzmetkerge jáne Reseı qarýly kúshterin qural-jabdyqtarmen, materıaldarmen jáne qyzmettermen qamtamasyz etýshi kompanııalarǵa qarsy qoldanylatyn bolady.