EO Ortalyq Azııadaǵy ekologııa máselelerin sheshýge 100 mln eýro bólmek

ASTANA. QazAqparat - Rımde Eýropalyq Odaq pen Ortalyq Azııanyń qorshaǵan orta jáne sý resýrstary salasyndaǵy yntymaqtastyǵy jóninde ekinshi kún qatarynan jıyn ótip jatyr, dep habarlaıdy QazAqparat tilshisi.

Konferentsııaǵa qatysýshylardyń biri - EO-nyń Qazaqstandaǵy ókildiginiń yntymaqtastyq jónindegi basshysy Iohannes Baýer is-sharanyń Qazaqstan úshin mańyzy týraly aıtty.

«Bul 2019 jyldan beri alǵash ret ótkizilip otyrǵan mańyzdy konferentsııa. Ortalyq Azııadaǵy qorshaǵan orta men sý resýrstary máseleleriniń talqylanyp jatqany óte mańyzdy. Biz Eýropalyq odaq pen basqa donorlar osy suraqtarǵa jaýap berýi úshin aımaq elderine qalaı kómektese alatynyn talqylaımyz. Qazaqstan úshin, árıne, sý resýrstary máselesi mańyzdy» , - deıdi I.Baýr.

Iohannes Baýer óz sóinde Qazaqstandaǵy ónerkásipti jańǵyrtý salasynda jasyl ekonomıkany engizýge bolatyn túrli standarttar bar ekenin tilge tıek etti

Sondaı-aq sheteldik maman EO ótken jyldyń qarasha aıynda Samarqandtyń ózara baılanys jónindegi konferentsııasynda aıtylǵan «Team Europe» bastamasy aıasynda óńirge 100 mln eýro bólýdi josparlap otyrǵanyn aıtty.