EO ókili sanktsııalardyń Qazaqstan ekonomıkasyna áseri týraly pikir bildirdi

ASTANA. QazAqparat –Eýropalyq Odaqtyń Syrtqy ister jáne qaýipsizdik saıasaty jónindegi Joǵarǵy ókili – Eýropalyq Komıssııanyń vıtse-prezıdenti Jozep Borrel Reseıge qatysty sanktsııanyń Qazaqstannyń ekonomıkasyna yqpal etýi múmkindigi jóninde pikir bildirdi, dep habarlaıdy QazAqparat tilshisi.

«Reseıge qarsy sanktsııalar RF-tiń soǵysty qarjylandyrý áleýetin álsiretý úshin arnaıy jasalǵan. Sondyqtan bul sanktsııa basqa elderge baǵyttalmaǵan. Olar aýyl sharýashylyǵy men tyńaıtqyshqa baǵyttalmaǵan,ıaǵnı bul ónimderge sanktsııa salynbaıdy. Bul turǵyda bizdiń sanktsııalar álemdi azyq-túlikpen qamtamasyz etýge kedergi jasaıdy degen qaýeset shyndyqqa janaspaıdy», - dedi J. Borrel Aqordada tilshiler saýalyna jaýap bere otyryp.

Onyń aıtýynsha, sanktsııalardyń saldaryn muqııat pysyqtaý kerek. Sonymen qatar ol sanktsııalar logıstıkalyq faktorlarǵa áser etpeýi kerek dep sanaıdy.

«Biz keshe asa uqyptylyqpen sheshkimiz keletin naqty máseleler týraly óte nátıjeli pikirtalas ótkizdik. Eger ilispe túrde qandaı da bir elderge zalal keltirilse, biz bul shyǵyndardyń ornyn toltyrýǵa tyrysamyz» - dedi J. Borrel.

Aıta keteıik, búgin Aqordada EO-nyń Syrtqy ister jáne qaýipsizdik saıasaty jónindegi Joǵarǵy ókili J. Borrell men QR Premer-Mınıstriniń orynbasary–Syrtqy ister mınıstri Muhtar Tileýberdi baspasóz máslıhatyn ótkizdi.

Foto: dknews.kz