EO-nyń Reseıge qarsy sanktsııalarynyń besinshi paketine munaı embargosy kirmedi

BRıÝSSELЬ. TASS-QazAqparat – Reseıge qarsy munaı embargosy EO-nyń besinshi sanktsııalar paketine kirmeıdi, biraq EO SІM basshylary ony 11 sáýirde qaraıdy. Bul týraly EO-nyń Syrtqy ister jáne qaýipsizdik saıasaty jónindegi joǵarǵy ókili Hosep Borrel NATO SІM basshylarynyń kezdesýine kelgende málimdedi, dep habarlaıdy QazAqparat TASS agenttigine silteme jasap.

«Munaı embargosy qazirgi sanktsııalar paketine kirmeıdi, biraq mınıstrler ony dúısenbi kúni qaraıdy», - dedi Borrel.

Ol EO elshileriniń Reseıge qarsy sanktsııalardyń besinshi paketin sársenbi kúni kelise almaǵanyn, biraq shekteýlerdiń bul blogyn búgin, joq degende erteń qaraıtynyna úmittenetinin alǵa tartty.

«Besinshi sanktsııalar paketin aldymen turaqty ókilder, sodan keıin SІM basshylarynyń keńesi maquldaıdy dep úmittenemin. Qazir qara tizimge kiretinder tizimin talqylap jatyr. Olar búgin nemese erteń qabyldanýy múmkin», - dedi ol.

Barrel osy aptanyń sońynda Eýropalyq komıssııa basshysy Ýrsýla fon der Lıaıenmen birge Kıevke baryp, jańa sanktsııalar paketin jarııalaýǵa úmittenetinin eske saldy.