EO-men qaýymdastyq týraly kelisim tıimsiz ári qaýipti boldy - Ýkraına Prezıdenti

ASTANA. QazAqparat - Resmı Kıev qol qoıýdan bas tartqan Ýkraınanyń Eýroodaqpen qaýymdastyq týraly kelisimi tıimsiz ári qaýipti boldy. Bul týraly ýkraınalyq «Inter» telearnasyna bergen suhbatynda Ýkraına Prezıdenti Vıktor ıAnýkovıch málim etti.

«Biz baıqaǵan qaterler elimizdiń ulttyq múddesine sáıkes kelmedi», - dedi ıAnýkovıch. Onyń sózine qaraǵanda, atalǵan kelisim bekitilgen jaǵdaıda, birinshiden, ýkraınalyq ekonomıkanyń agrarlyq sektory men aýyl sharýashylyǵyna zardaby tıer edi.

ıAnýkovıchtiń aıtýynsha, eldegi narazylyq aktsııalaryna EO-men qaýymdastyqtyń jaı-japsary týraly halyqtyń jetkiliksiz deńgeıde aqparat alýy sebep boldy.

«Sońǵy ýaqytta osy arman men qııal adamdardy osy narazylyqqa alyp keldi», - dedi Prezıdent.