EO Qyrǵyzstandaǵy «sheteldik agentter» týraly zańǵa alańdaýly

<p>ASTANA. KAZINFORM &ndash; Seısenbi kúni Eýropalyq syrtqy áreket qyzmeti Qyrǵyzstanǵa arnalǵan jeke <a href="https://www.eeas.europa.eu/eeas/kyrgyz-republic-statement-spokesperson-new-legislation-foreign-representatives_en?channel=eeas_press_alerts&amp;date=2024-04-02&amp;newsid=0&amp;langid=en&amp;source=mail" target="_blank" rel="noopener">málimdeme</a> jasady.</p>

«Qyrǵyz Respýblıkasynda «sheteldik ókilder» týraly zań retinde belgili «kommertsııalyq emes uıymdar» týraly zańnyń qabyldanýy alańdaýshylyq týdyrady», - dep atap ótti. 

«Azamattyq qoǵam uıymdarynyń qyzmet erkindigin shekteıtin zańnama qyrǵyz qoǵamyna jáne onyń Eýropalyq Odaq sııaqty halyqaralyq seriktestermen yntymaqtastyǵyna keri áser etýi múmkin. EO Qyrǵyz Respýblıkasymen negizgi bostandyqtardy, zań ústemdigin jáne demokratııalyq standarttardy qurmetteýge negizdelgen ekijaqty yntymaqtastyqqa beıildi. Bul qundylyqtar bizdiń jalpy preferentsııalar shemasynyń (GSP+) jáne bolashaq keńeıtilgen seriktestik pen yntymaqtastyq týraly kelisimimizdiń (EPCA) ajyramas  bóligin quraıdy», - delingen eýropalyq dıplomatııanyń málimdemesinde. 

Eske sala ketsek, Qyrǵyzstan prezıdenti Sadyr Japarov «Kommertsııalyq emes uıymdar týraly» Qyrǵyz Respýblıkasynyń zańyna ózgerister engizý týraly» zańǵa qol qoıdy. 

2024 jyldyń 17 qańtarynda AQSh Memlekettik hatshysy Entonı Blınken Qyrǵyz Respýblıkasynyń Prezıdenti Sadyr Japarovqa hat joldap, onda Qyrǵyzstan parlamentinde qaralyp jatqan «Kommertsııalyq emes uıymdar týraly» zańǵa ózgerister engizý týraly zań jobasyna alańdaýshylyq bildirdi. 

Sadyr Japarov jaýabynda ádildik pen bostandyqqa umtylý qyrǵyz halqynyń genetıkalyq kody ekenin atap ótip, Blınkenniń hatyndaǵy memlekettiń ishki isine aralasý belgilerin atap ótti.