EO Irannyń Izraılge shabýylyn aıyptady

<p>ASTANA. KAZINFORM - Eýropalyq Odaqtyń Syrtqy ister jáne qaýipsizdik saıasaty jónindegi Joǵarǵy ókili Jozep Borrel Taıaý Shyǵystaǵy jaǵdaıǵa qatysty qysqasha málimdeme jasady.</p>

«Eýropalyq Odaq Irannyń Izraılge qarsy shabýylyn qatań aıyptaıdy. Bul buryn-sońdy bolmaǵan eskalatsııa jáne aımaqtyq qaýipsizdikke eleýli qater», - dep jazdy eýropalyq dıplomatııanyń basshysy X jelisinde.

Eýropalyq keńes basshysy Sharl Mıshel de Irannyń Izraılge shabýylyn qatań aıyptady.

«Aımaqtyq shıelenistiń odan ári órshýine jol bermeý úshin barlyǵyn jasaý kerek. Budan ári qantógiske jol bermeýimiz kerek. Biz áriptesterimizben birge jaǵdaıdy jiti baqylaýdy jalǵastyramyz», - dedi Sh.Mıshel.

Buǵan deıin Iran Izraılge qaraı ushqyshsyz ushaqtaryn ushyryp, Tegeran ústindegi áýe keńistigin jaýyp tastaǵan bolatyn.

Iran 1 sáýirde Damaskidegi Iran konsýldyǵyna jasalǵan áýe shabýylyna jaýap qaıtarýǵa ýáde berip, sonyń saldarynan Iran Islam revolıýtsııasy Saqshylar korpýsynyń birneshe qolbasshysy, onyń ishinde eki general qaza tapty.

Izraıl áldeqashan Iran nemese onyń jaqtastary shabýylyna joǵary daıyndyqty bastap ketken.