EO elderiniń kóshbasshylary Ýkraınaǵa kandıdat mártebesin bermek

NЬıÝ-IORK. QazAqparat – Eýroodaq elderi Ýkraınaǵa odaqqa kirýge úmitker mártebesin resmı berýge daıyn, dep habarlaıdy QazAqparat Bloomberg agenttigine silteme jasap.

Agenttik málimetinshe, bul qadam osy aptada, 23-24 maýsymda EO elderi kóshbasshylarynyń sammıtinde júzege asyrylǵan. Budan bólek, memleketter Moldovaǵa, Grýzııaǵa kandıdat mártebesin berýge daıyn, alaıda qosymsha sharttar oryndalý kerek.

Eger Kıevtiń EO-ǵa kirýge kandıdat mártebesi maquldansa, Ýkraına bıligi odaqqa kirý úshin qoıylatyn barlyq talaptarǵa saı kelýdiń biraqatar sharttaryn oryndaýy tıis: Joǵarǵy Sotqa sýdıalardy taǵaıyndaý rásimin zań júzinde bekitý, sybaılas jemqorlyqqa qarsy kúresti kúsheıtý, aqshany jylystatýǵa jáne olıgarhııaǵa qarsy kúres jóninde zańdar qabyldaý, osy saladaǵy óz zańnamasyn eýropalyq normalarmen keltire otyryp, BAQ-tyń turaqsyzdyǵyn boldyrmaý, sondaı-aq ulttyq azshylyqtardyń quqyqtary jónindegi quqyqtyq reformalardy aıaqtaý.

Eýrokomıssııa barlyq tarmaqtar boıynsha progressti muqııat qarap, kelesi jyly sáıkes baıandama usynatyny atalyp ótildi.