EO elderi Qazaqstanmen strategııalyq seriktestik kelisimin ratıfıkatsııalaıdy - Donald Týsk
Bul týraly búgin Aqordada Qazaqstan Prezıdenti Qasym-Jomart Toqaevpen kezdesýden keıingi BAQ ókilderine arnaǵan birlesken málimdeme barysynda Eýropalyq keńes Prezıdenti Donald Týsk aıtty, dep habarlaıdy QazAqparat tilshisi.
«Eýropalyq odaq taıaýda Ortalyq Azııamen jáne onyń barlyq elderimen seriktestikti nyǵaıtý úshin óziniń strategııasyn aıqyndady. Qazaqstan bul óńirdegi EO úshin negizgi seriktes sanalady. Sizdiń el Eýropa men Shyǵys, Reseımen Ońtústik Azııa arasynda kópir sanalady. Ortalyq Azııa boıynsha jańa strategııamyzda biz qýatty ári zamanaýı seriktestik qalyptastyrýdy, energetıka, kólik jáne tsıfrlyq kommýnıkatsııalar salasyndaǵy seriktestikti nyǵaıtýdy usynamyz», - dedi Eýropalyq keńes Prezıdenti.
Sonymen qatar ol Eýropalyq odaq Qazaqstannyń birinshi saýda seriktesi ári sheteldik ınvestory ekendigin basa aıtty.
«EO men Qazaqstan arasyndaǵy seriktestikti keńeıtý týraly kelisimdi taıaýda EO-nyń barlyq elderi ratıfıkatsııalaıtyn bolady. Biz ony júzege asyrýdy bastap ta kettik. Bul zorlyq-zombylyq ekstremızmi nemese ekologııa máseleleri sııaqty óńirlik syn-tegeýrinderdi qaraý úshin jaqsy negiz bola alady», - dedi Donald Týsk.
Donald Týsk Qasym-Jomart Toqaevpen qazirgi ýaqytta Qazaqstanda bolyp jatqan saıası ózgeristerdi de talqylaǵandyǵyn atap ótti.
Qazaqstanǵa saıası qýǵyn-súrgin qurbadaryn eske alý ulttyq kúninde kelýim tolqytty. Búgin baryp taǵzym etetin ALJIR kesheni adam rýhynyń totalıtarızmge myqtylǵyn nyshandyq túrde eske salady. Meniń kóptegen otandastarym Gýlagta ómirin qıdy», - dedi Donald Týsk.