EO-da reseılik olıgarhtardyń 12 mlrd eýro aktıvi buǵattaldy

NUR-SULTAN. QazAqparat – Reseılik olıgarhtar men mekemeler Eýroodaq sanktsııalarynyń saldarynan quny 12,5 mıllıard eýrodan asatyn qymbat ıahta, tikushaq, jyljymaıtyn múlik syndy basqa da aktıvterinen aıyryldy, dep habarlaıdy QazAqparat dw.com-ǵa silteme jasap.

«Reseılik olıgarhtardyń buǵattalǵan aktıvteriniń kólemi osy jylǵy sáýir aıynan bastap 6,7 mıllıard eýrodan 12,5 mıllıard eýroǵa deıin, ıaǵnı eki esege jýyq artty», - dep habarlady Eýrokomıssııanyń ádilet jónindegi resmı ókili Krıstıan Vıgand Die Welt basylymyna.

Ol buǵattalǵan aktıvterdiń kúrt ósýin sońǵy aptalarda, ásirese, Germanııada reseılik olıgarhtarǵa tıesili kóptegen nysandardyń anyqtalyp, buǵattalýymen baılanystyrdy.