EO-da aqsha jylystatý jáne terrorızmdi qarjylandyrýmen kúresetin jańa organ qurylady

<p>Eýrokomıssııa sársenbi kúni Eýropalyq parlament pen Eýropalyq keńes arasyndaǵy EO-nyń aqsha jylystatýǵa jáne terrorızmdi qarjylandyrýǵa qarsy kúres jónindegi jańa organyn (AMLA) qurý týraly aldyn ala kelisimin quptaıtynyn málimdedi, dep habarlaıdy <a href="Kazinform" target="_blank" rel="noopener">Kazinform </a>tilshisi.</p>

Jańa organ EO-nyń ortalyqtandyrylmaǵan retteýshi agenttigi túrinde qurylady dep josparlandy.

Eýrokomıssııa habarlamasynda EO-nyń jańa organynyń qurylýy aqshany jylystatýǵa jáne terrorızmdi qarjylandyrýǵa qarsy kúresti qadaǵalaýdy ózgertedi jáne EO qarjylyq barlaý bólimsheleri arasyndaǵy yntymaqtastyqty jaqsartady delingen.

Endi qurylatyn AMLA qurylymy EO erejelerin durys jáne dáıekti qoldanýdy qamtamasyz etý úshin odaqqa múshe memleketterdiń ulttyq organdaryn úılestiretin bolady.

AMLA-nyń qarjy sektory aqshany jylystatý men terrorızmdi qarjylandyrý qaýpi joǵary uıymdardy tikeleı baqylaıdy.