EO basshylyǵy qaýipsizdik jónindegi Mıýnhen konferentsııasyna qatysady

<p>16-18 aqpan aralyǵynda Mıýnhen qaýipsizdik konferentsııasyna Eýrokomıssııa tóraǵasy Ýrsýla fon der Lıaıen, Eýropalyq komıssııanyń atqarýshy vıtse-prezıdentteri Margrete Vestager, Valdıs Dombrovskıs jáne Marosh Shefchovıch, Eýroodaqtyń joǵarǵy ókili Josepp Borrel qatysady.</p>

Bıyl Mıýnhen qaýipsizdik konferentsııasyna 60 jyl tolady.

Mıýnhen konferentsııasy 1963 jyldyń aqpanynan beri Mıýnhende ótkiziletin jyl saıynǵy halyqaralyq konferentsııa, onda saıasatkerler, áskerı jáne bıznes ókilderi, úkimettik emes uıymdar men qaýipsizdik salasyndaǵy sarapshylar dıplomatııalyq jáne hattamalyq talaptardan tys qaýipsizdiktiń ózekti máselelerin talqylaıdy. Konferentsııanyń negizgi maqsaty – syrtqy saıasat, qaýipsizdik jáne qorǵanys saıasatynyń ózekti máselelerin talqylaý.

Juma kúni EK prezıdenti Ý. Lıaıen men vıtse-prezıdenti Margarıtıs Shınas transatlantıkalyq forýmda «Erkin álemdik tártipti ekstremızmnen qalaı qorǵaýǵa bolady» taqyrybyndaǵy pikirtalasqa qatysady.

Atqarýshy vıtse-prezıdent M.Vestager jasandy ıntellekt jáne saılaý, Soltústik-Ońtústik yntymaqtastyǵy jáne EO-Qytaı yntymaqtastyǵy jónindegi is-sharalarǵa qatysady.

Atqarýshy vıtse-prezıdent Valdıs Dombrovskıs ekonomıkalyq qaýipsizdikke arnalǵan túski asqa qatysady.

Eýropa dıplomatııasynyń basshysy Jozepp Borrell konferentsııa aıasynda G7 elderiniń syrtqy ister mınıstrleriniń kezdesýine qatysady.

Al QHR Syrtqy ister mınıstri Van I Mıýnhen qaýipsizdik konferentsııasyna qatysady.