EO aýany lastaýǵa qoıylatyn shekteýlerdi kúsheıtedi

<p>ASTANA. KAZINFORM &ndash; Germanııa Eýropalyq komıssııadan aýa sapasynyń qatań standarttaryna baılanysty kólik qozǵalysyn shekteýge nemese zaýyttardy jabýǵa májbúr bolmaıtynyn rastaýdy surap otyr, dep habarlaıdy <a href="https://ru.euronews.com/green/2024/10/15/air?utm_source=telegram.messenger&amp;utm_campaign=feeds_bcs_topstories&amp;utm_medium=referral" target="_blank" rel="noopener">Euronews</a>.</p>

Lıýksembýrgte ótken EO Keńesiniń sammıtinde qorshaǵan ortany qorǵaý mınıstrleri aýany lastaýshy zattarǵa qatysty EO-nyń qatań shekteýlerine qol qoıdy. Ekolog mamandar men qoǵamdyq densaýlyqty qorǵaýshylar bul qadamdy quptady.

«Bul zań shyǵarýshylar adamdar densaýlyǵyn qorǵaý úshin aýa sapasynyń standarttaryn qaıta qaraýǵa berilgen taǵdyrsheshti múmkindik boldy jáne biz ony qabyldaǵanyna qýanyshtymyz», - dedi daýys berýden keıin ClientEarth ekologııalyq tobynyń zańgeri Emma Bad.

ClientEarth zańdy qaıyrymdylyq uıymy Belgııa, Germanııa, Italııa jáne Polshadaǵy adamdarǵa adamnyń taza aýamen tynys alý quqyǵyn sotta tanýǵa umtylyp, tipti qoldanystaǵy standarttardy oryndamaǵany úshin bılik organdaryn sotqa berý áreketterine qoldaý kórsetýde.

Qorshaǵan ortanyń aýa sapasy jónindegi Dırektıvany qaıta qaraý aýa sapasynyń eýropalyq standarttaryn tolyq bolmasa da, kúkirt jáne azot oksıdteri (NOx jáne SOx) jáne kólik qozǵalysy men kómir men aǵashty jaǵý kezinde paıda bolatyn zııandy mıkroskopııalyq bólshekter (PM) sııaqty gazdar úshin Dúnıejúzilik densaýlyq saqtaý uıymy usynǵan qatań shektik mánderge jaqyndatady.

Atap aıtqanda, ClientEarth azamattarǵa «aýanyń lastanýynyń zańsyz deńgeıinen qorǵaı almaǵan bılik organdarynan jaǵdaıdy jaqsartýdy talap etýge naqty quqyq beretin» jáne úkimetterden aýanyń zańsyz lastaný deńgeıinen zardap shekken adamdarǵa ótemaqy tóleýdi talap etetin erejelerdi quptady.