EO arnaıy ókili: Qazaqstan senimdi seriktes retinde Ortalyq Azııadaǵy qaýipsizdikti nyǵaıtýda kósh bastap tur

ASTANA. QazAqparat - Ortalyq Azııa boıynsha Eýropalyq odaqtyń arnaıy ókili Pıter Býrıan Qazaqstan nelikten Ortalyq Azııa aımaǵynda qaýipsizdikti nyǵaıtý máseleleri boıynsha kósh basynda turǵanyn túsindirdi.

Jýrnalısterdiń saýalyna jaýap bergen barysynda: «Qazaqstannyń aımaqtaǵy qaýipsizdikti nyǵaıtý máseleleri boıynsha kósh bastap turýyna onyń senimdi seriktes, aımaqtaǵy máselelerdi sheshýde halyqaralyq quqyq prıntsıpterin paıdalanatyn seriktes bola alýy, BUU jáne aımaqtaǵy ózge de uıymdardyń jumystaryna belsene qatysýy sebep dep oılaımyn», - dep atap ótti ol.

P.Býrıan bul rette QR Prezıdenti Nursultan Nazarbaevtyń róline aıryqsha nazar aýdardy. «Bul, árıne, ózgelerge úlgi bolatyn, olarǵa eldiń jyldam damýy úshin qandaı mańyzdy reformalardy qalaı júzege asyrýǵa bolatynyn, qandaı qadam jasaý kerektigin kórsete bilgen Memleket basshylaryńyzdyń qajyrly eńbeginiń nátıjesi», - dep qosty P.Býrıan.