EO arnaıy ókili Eýroparlamenttiń Qazaqstanǵa qatysty qararyna pikir bildirdi

NUR-SULTAN. QazAqparat – Eýropalyq odaqtyń Ortalyq Azııa boıynsha arnaıy ókili Pıter Býrıan Qazaqstandaǵy adam quqyqtarynyń ahýaly týraly Eýropalyq Parlamenttiń qararyna qatysty pikir bildirdi, dep habarlaıdy QazAqparat tilshisi.

«Biz týyndaǵan máselelerdi anyqtaý úshin dıalogty jón kóremiz. Biz qazaqstandyq tarap adam quqyqtary máseleleri boıynsha syndarly dıalog júrgizip jatyr dep sanaımyz», - dedi Pıter Býrıan aqpan aıynda qabyldanǵan Eýropalyq Parlamenttiń synı qarary týraly suraqqa jaýap bere otyryp.

«Biz reforma men ózgerister protsesi ońaı emes ekenin kórip otyrmyz. Meniń oıymsha, Qazaqstanda otyz jyl ishinde bolǵan oqıǵa – tańǵalarlyq jaǵdaı», - dep atap ótti ol.

«Bul, ásirese, memlekettik ınstıtýttardy nólden bastap qurǵan elder úshin úlken jetistik. Bul rette olar jahandyq saýda júıesi men jahandyq jáne óńirlik deńgeıdegi basqa da protsesterge yqpaldasa aldy. Bul protsesterdiń kúrdeliligin tek olar ǵana túsine alady», - deıdi eýropalyq dıplomat.

«Biz sizdiń halqyńyz ben úkimetińizge óz taǵdyryn qalaı qurýǵa bolatynyn úıretkimiz kelmeıdi, biraq óz tájirıbemizben bólisýge daıynbyz. Biz keıbir sátter unamaǵanyna qaramastan, Qazaqstan úkimetiniń bul qararǵa reaktsııasy durys boldy dep sanaımyz», - dep atap ótti Pıter Býrıan.

«Dıalog úshin esikti jabýdyń qajeti joq, kerisinshe, dıalogty keńeıtip, Eýropalyq Parlamentte belgili bir sátterge synı kózben qaraıtyndarmen sóılesý kerek», - dedi EO-nyń Ortalyq Azııa boıynsha arnaıy ókili.