Entonı Blınken kelesi aptada Afrıka boıynsha týrnege attanady

<p>ASTANA. KAZINFORM &ndash; AQSh Memlekettik hatshysy Entonı Blınkenniń sapary 2022 jylǵy kóshbasshylar sammıtinen keıin AQSh pen qurlyq arasyndaǵy seriktestiktiń jedeldeýin kórsetedi, dep jazdy <a href="https://www.golosameriki.com/a/blinken-heading-to-africa-/7446631.html" target="_blank" rel="noopener">&laquo;Amerıka daýysy&raquo;</a> radıosy.</p>

AQSh Memlekettik hatshysy Entonı Blınken kelesi aptada Kabo-Verde, Kot-d'Ivýar, Nıgerııa jáne Angolaǵa barady. Bul onyń Afrıka qurlyǵyna tórtinshi sapary bolmaq.

2022 jylǵy AQSh-Afrıka kóshbasshylarynyń sammıtinen keıin AQSh Mınıstrler kabınetiniń músheleri ótken jyly kontınentke 17 sapar jasady.

Memlekettik departamenttiń baspasóz hatshysy Mettıý Mıllerdiń málimdeýinshe, Blınkenniń alty kúndik sapary sammıtten keıin AQSh-Afrıka seriktestiginiń, sonyń ishinde klımat, azyq-túlik qaýipsizdigi jáne densaýlyq saqtaý sııaqty salalarda qalaı jedeldetilgenin tanytady.

«Ol sonymen qatar bizdiń bolashaqqa baǵyttalǵan ekonomıkalyq seriktestigimizdi jáne AQSh-tyń ekijaqty saýdany nyǵaıtý, elde jáne kontınentte jumys oryndaryn qurý, sondaı-aq Afrıkanyń jahandyq naryqta básekege túsýine kómektesý úshin Afrıkadaǵy ınfraqurylymǵa qalaı ınvestıtsııa salyp jatqanyn kórsetedi», - dedi Mıller.

Blınken buǵan deıin Taıaý Shyǵys elderine sapar jasaǵan.