Entonı Blınken qaqtyǵystar ýshyǵa bastaǵannan beri Taıaý Shyǵysqa besinshi ret barady

<p>AQSh-tyń memlekettik hatshysy Entonı Blınken 4-8 aqpanda Taıaý Shyǵysqa barady. Bul onyń Izraıl-Palestına arasyndaǵy shıelenister bastalǵannan bergi bul elge besinshi sapary, dep jazady <a href="https://tass.ru/mezhdunarodnaya-panorama/19889641" target="_blank" rel="noopener">TASS</a>.</p>

Entonı Blınken Saýd Arabııasyna, Egıpetke, Katarǵa, Izraılge, sondaı-aq Iordan ózeniniń batys jaǵalaýyna barady. Málimdemede AQSh Memlekettik hatshysy Palestınanyń radıkaldy HAMAS uıymy kepilge alǵandardy bosatýdy, sondaı-aq Gaza sektoryna kómek jetkizý úshin gýmanıtarlyq úzilis ornatýdy kózdeıtin kelisimge qol jetkizý úshin dıplomatııalyq kúsh-jigerdi jalǵastyrýǵa nıetti ekendigi atalyp ótti.

Memlekettik hatshy sonymen qatar Taıaý Shyǵystaǵy, atap aıtqanda ızraıldikter men palestınalyqtar úshin qaýipsizdikti qamtamasyz etý máselesin talqylaıdy.

Esterińizge sala keteıik, Blınken sońǵy ret qańtar aıynda Taıaý Shyǵys elderine, ári qaraı Afrıkaǵa sapar jasady.