Engizilgen karantındi erte alyp tastasa, vırýs qaıta órshýi múmkin - Álemdik baspasózge sholý
Koronavırýs ımmýnıtettiń gıperreaktsııasyn týǵyzady - The Wall Street Journal
COVID-19 juqtyrǵan adamdarda ımmýnıtettiń gıperreaktsııasy paıda bolýy múmkin. Mamandar bul jaǵdaıda emdi qalaı júrgizý kerek ekenin zerttep jatyr, dep jazady The Wall Street Journal.
«Immýndy júıeniń gıperreaktsııasy tek koronavırýsqa emes, Covid-19 juqtyrǵan adamnyń ózine úlken zııan tıgizýi múmkin. Ásirese, bul koronavırýstyń aýyr formasyna shaldyqqan adamdarda baıqalady. Bul týraly dárigerler men ǵalymdar aıtty. Endi olar potentsıaldy emge durys baǵdar paıda boldy dep otyr», - dep jazady avtor.
Maqala avtorynyń aıtýynsha, patsıentterde vırýsty ınfektsııanyń qalaı damıtyny týraly aqparat áli beligisiz. Degenmen, kóptegen sarapshylar ólimge vırýstan góri, aǵzanyń gıperbelsendi ımmýndy jaýaby ákeletinine senimdi.
«Mamandardyń aıtýynsha, ımmýndy reaktsııa basqarýǵa kelmeı, emdelýshiniń ókpesi basqa organdarǵa aýa jiberýdi toqtatady. Bul tynys alýdyń jtispeýshiligine, keı jaǵdaıda ólimge alyp keledi. Dárigerlerdiń aıtýynsha, ımmýndy júıeniń isten shyǵýy ókpeniń qyzmetin álsiretedi. Endi mamandar ımmýndy júıeniń belsendiligin azaıtatyn dárilerdiń koronavırýstyń aýyr túrine shaldyqqan adamdardyń emine kómektesetinin anyqtamaq», - dep jazady avtor.
Dárigerlerdiń aıtýynsha, koronavırýs juqtyrǵan aýyr haldegi patsıentterde aýrý eki satyda bolady. Aldymen ımmýndy júıe vırýsqa jyldam jáne tıimdi áreket etpeıdi. Odan keıin agressıvti jaýap bere bastaıdy. ıAǵnı, aǵza vırýsqa durys jaýap bermeıdi.
DDSU: Engizilgen shekteýlerdi erte alý qaýipti - VVS
Dúnıejúzilik densaýlyq saqtaý uıymynyń basshysy koronavırýstyń taralýyn toqtatýǵa baǵyttalǵan shekteýlerdi erte alyp tastaý qaýipti ekenin jáne bul ınfetsııanyń qaıta órshýine alyp keletinin aıtty, dep jazady VVS.
Tedros Adanom Gebreısýs memleket basshylary shekteýlerdi jeńildetý kezinde ekonomıkalyq qıyndyqtar týyndap jatqan kúnniń ózinde abaı bolý kerektigin aıtty.
«Eýropanyń koronavırýstan eń kóp zardap shekken Ispanııa men Italııa sekildi mesleketteri keıbir qatań sharalardy alyp tastaı bastady. Qazirgi tańda álem boıynsha vırýs juqtyrǵandar sany 1,7 mıllıonnan asyp, qaza tapqandar sany 100 myńnan asty», - dep jazady avtor.
Jenevadaǵy vırtýaldy baspasóz konferentsııasynda sóılegen Tedros Gebreısýs keıbir Eýropa elderinde epıdemııa báseńdegenin aıtty. Ol DDSU shekteýlerdi jeńildetýge baılanysty strategııalardy úkimettermen birigip jasaıtynyn aıtyp, bul tym erte bolmaýy kerek ekenin atap ótti.
«Shekteýlerdi erte alyp tastaý vırýstyń qaıta órshýine alyp kelýi múmkin. Bul óte qaýipti, ári ony basqarý da qıyn bolady», - dedi ol.
Munaı naryǵyndaǵy baǵa soǵysy qalaı órbýi múmkin? - Forbes
Beısenbi kúni Saýd Arabııasy men Reseı, OPEK+ basshylary munaı kólemin qysqartý týraly tarıhı kelisimge keldi. Osylaısha munaı soǵysy toqtaǵandaı bolyp, baǵa qalypqa kele bastady, dep jazady Forbes .
«2020 jyldyń mamyr aıynan bastap eki aı, ıaǵnı 30 maýsymǵa deıin OPEK+ múshe memleketter munaıdyń jalpy kólemin táýligine 10 mln barrelge deıin azaıtady. Odan keıingi alty aıda, 1 shilde men 31 jeltoqsan aralyǵynda munaı kólemi táýligine 8 mln barrel bolady», - dep jazady basylym.
Avtordyń aıtýynsha, kelissózder barysynda 2021 jyldyń 1 qańtary men 2022 jyldyń 30 sáýiri aralyǵynda munaı kólemi táýligine 6 mln barrelge deıin tómedeıtini týraly kelisilgen.
«Kelisim 2022 jylydń 30 sáýirine deıin iske asyrylady. Ony uzartý týraly sheshim 2021 jyldyń jeltoqsanynda qabyldanýy kerek. Degenmen, jarııalanǵan kólem baǵany óndirýshiler úshin ekonomıkalyq tıimdi dıapazonǵa qaıtara almaıdy. Tipti, qazirgi naryqty turaqtandyrý úshin táýligine 10 mln barrelge deıin qysqartý da jetkiliksiz bolýy múmkin», - deıdi avtor.
Maqalada Reseı men Saýd Arabııasy bıýdjetterin turaqtandyryp, valıýta rezervteriniń qysqarýyn azaıtý úshin baǵanyń óskenine múddeli. Qazirgi baǵa deńgeinde Reseı 5-7 jyl, Saýd Arabııasy 3 jyl tura alady.
«Koronavırýs pandemııasynyń nátıjesinde ushaq ushpaı, adamdar jumysqa barmaı júr. Boljam boıynsha, 2020 jyldyń ekinshi kvartalynda suranys táýligine 15-35 mln barrel bolýy múmkin. Bul burynǵy kúndelikti tutyný mólsheriniń úshten birin quraıdy», - deıdi avtor.
Gonkong qonaqúıleri qyzmetkerlerdi robottarǵa almastyryp jatyr – China Daily
Gonkong qonaqúılerinde qonaqtarmen baılanysty azaıtý maqsatynda robot qyzmetkerler paıda boldy, dep jazady China Daily.
«Koronavırýs pandemııasy kesirinen kóp jerde qysqartý júrip jatyr. Degenmen, L'hotel Group Gonkong qonaq úıler operatory jasandy ıntellektisi bar úsh robotty jumysqa aldy. Olar 432 bólmege qyzmet kórsetip, karantınde jatqan adamdardyń ózine tamaq tası alady. Bir kúnde bir robot 130-150 tapsyrys oryndaıdy», - dep jazylǵan maqalada.
Avtordyń aıtýynsha, bir robottyń baǵasy 100 myń dollardan asady.