Energııany únemdeýdi jetik bilgen «Han Shatyr» ortalyǵynyń kelýshileri syılyqtarǵa ıe boldy - Astana
Vıktorınaǵa «Han Shatyr» saýda, oıyn-saýyq ortalyǵyna kelýshiler qatysty. Olar júrgizýshilerdiń suraqtaryna jaýap bere otyryp, Qazaqstannyń turǵyn úı saıasatynyń negizgi ólshemderi týraly óz bilimderin teksere alady. Durys jaýap bergen árbir qatysýshyǵa syılyq berildi. Sondaı-aq, barlyq oıyn qatysýshylaryna tıimdi menshik ıesi men energııa únemdeý ádisteri týraly aqparattyq paraqshalar taratyldy.
Onyń basty maqsaty - elimizdiń turǵyn úı saıasatyn túsindirý jáne turǵyn úı qatynastary sýbektilerine keńes berý. Tıimdi menshik ıesi turǵyn úı-kommýnaldyq sharýashylyq salasyn reformalaýdaǵy mańyzdy býyn bolyp tabylady. Tek sol ǵana kóppáterli turǵyn úıdiń jaı-kúıin qalaı jaqsartýǵa bolatyndyǵyn, basqarýshy kompanııalar men páter ıeleri kooperatıvterinen ortaq úı múlkin tıisinshe basqarýyn qalaı talap etetindigin sheship, sol arqyly basqarýshy jáne servıstik kompanııalardyń kásiptik naryǵyn damytýǵa septigin tıgize alady.
Sharany QR Qurylys jáne turǵyn úı-kommýnaldyq sharýashylyq isteri agenttigi, «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ, «Nur Otan» HDP, «Qazaqstannyń Azamattyq Alıansy» birlestigi, «Qazaqstannyń basqarýshy jáne servıstik kompanııalary qaýymdastyǵy» birlestigi, BUU damý baǵdarlamasy uıymdastyrdy.