Energııa únemdeý salasynyń úzdikteri marapattaldy

ASTANA. QazAqparat – Búgin elordada ótken IV halyqaralyq energııa únemdeý forýmynda salaǵa eńbek sińirgen azamattarǵa tósbelgi tabystaldy, dep habarlaıdy QazAqparat tilshisi.

Atap aıtqanda, energııany únemdi paıdalaný men salany damytýǵa úles qosqan azamattardyń eńbegi atalyp ótip, qurmet kórsetildi. QR Indýstrııa jáne ınfraqurylymdyq damý vıtse-mınıstri Marat Qarabaev 12 adamdy «Energııa únemdeý salasyna qosqan úlesi úshin» tósbelgisimen marapattady.

Olardyń qatarynda QR Parlamenti Májilisiniń depýtaty Dúısenbaı Turǵanov, «Energy Partner» JShS jobalarynyń bas ınjeneri Evgenıı Kravtsov, L. Gýmılev atyndaǵy Eýrazııa ulttyq ýnıversıtetiniń aǵa oqytýshysy, tehnıka ǵylymdarynyń kandıdaty Serikbolat Esenǵabylov, «CSI Reseach & Lab» JShS joba menedjeri Vıtalıı Pýzıı, «Qarashyǵanaq Petrolıým Opereıtıng» kompanııasy energııa tıimdiligi jáne ekologılyq baǵalaý bóliminiń basshysy Dámesh Bektálıeva, «Energoekspert ı K» kompanııasynyń atqarýshy dırektory, QR energııa aýdıtorlar, energomenedjerler, energosarapshylar palatasynyń basqarma tóraǵasy Marat Esekın, qazaqstandyq energoaýdıtorlar assotsıatsııasynyń atqarýshy dırektory, táýelsiz sarapshy Álııa Ysqaqova, Túrkistan oblysy energetıka jáne turǵyn úı-kommýnaldyq sharýashylyǵy basqarmasy basshysynyń orynbasary Roza Sarıeva, «Qazhrom» AQ bas energetıgi Valerıı Pısaroglo, Elektr energetıkasyn damytý jáne energııa únemdeý ınstıtýty ortalyqtarynyń dırektorlary D. Maıdan, O. Qabdenov jáne A. Safıýllına bar.

Aıta ketsek, búgin elordada energııa únemdeý máselelerine arnalǵan halyqaralyq forým ótti.

Shara aıasynda 2023 jyly memlekettik energetıkalyq reestr sýbektileriniń 40 myńǵa jetetini belgili boldy.

Sondaı-aq, otandyq energııa únemdeý salasynda BUU Damý baǵdarlamasynyń úsh jobasy iske asatyny aıtyldy.