Energetıkalyq jáne kommýnaldyq sektordy jańǵyrtý: TÚKSh salasyna 10 trln teńge ınvestıtsııa tartylmaq

<p>ASTANA. KAZINFORM &ndash; Ázirlenip jatqan &laquo;Energetıkalyq jáne kommýnaldyq sektordy jańǵyrtý&raquo; ulttyq jobasy aıasynda TÚKSh salasyna 10 trıllıon teńge ınvestıtsııa tartylmaq. Bul týraly &laquo;Adal azamat. Adal eńbek. Adal bıznes&raquo; forýmynda QR Premer-mınıstri Oljas Bektenov málimdedi.</p>

«Ázirlenip jatqan «Energetıkalyq jáne kommýnaldyq sektordy jańǵyrtý» ulttyq jobasy jergilikti taýar óndirýshilerge úlken múmkindikterge jol ashady. Ózderińiz biletindeı, Prezıdent sońǵy Joldaýynda osyndaı tapsyrma bergen bolatyn. Jańa Ulttyq joba TÚKSh salasyna 10 trıllıon teńge ınvestıtsııa tartýdy kózdeıdi. Sóz áýeli energetıkalyq jáne kommýnaldyq sektor jaıly bolyp otyr. Joba aıasynda TÚKSh salasynda taýar óndiretin jumys istep turǵan otandyq kásiporyndarǵa barynsha júkteme artylady», - dedi Úkimet basshysy.

Forým barysynda Premer-Mınıstr elge janashyrlyq tanytqan kásipkerlerge alǵys aıtty.

Sondaı-aq, elimizde otandyq taýarlardyń jáne taýar óndirýshilerdiń biryńǵaı ashyq reestri ázirlenip jatqanyn málimdedi.

Aıta keteıik, keshe elordada «Atameken» Ulttyq kásipkerler palatasynyń XXII sezi ótti. Onda otandyq kásipkerlerdiń qordalanǵan suraqtary talqylanyp, 204 mańyzdy másele Úkimetke joldanatyn boldy.