Energetıkalyq sýsyn halal ma – QMDB sheshimi

<p>ASTANA. KAZINFORM &ndash; Qazaqstan musylmandar dinı basqarmasynyń Ǵulamalar keńesi energetıkalyq sýsynnyń aǵzaǵa áseri men sharıǵat turǵysynan túsinikteme berip, sheshim jarııalady.</p>

«Energetıkalyq sýsyn – quramynda kofeın, qant, psıhostımýlıatorlyq zattardyń qospalary (mateın, gýarana, jenshen, shóp syǵyndylary, tsıklamat, saharın, sýkraloza) bar, ortalyq júıke júıesine stımýlıator retinde áreket etetin psıhıkalyq jáne adamdardyń densaýlyǵyna áser etetin, táýeldilikti týdyratyn gazdalǵan alkogolsiz nemese alkogoli az sýsyn», - dep túsindirilgen resmı aqparatta.

Energetıkalyq sýsyndar alkogolsiz jáne alkogoldi dep ekige bólinedi:

- alkogoldi energetıkalyq sýsyndar. Energetıkalyq sýsyndardyń quramynda alkogol az mólsherde bolsa da ony ishýge tyıym salynady. Paıǵambarymyz «Mas etetin nárseniń azy da, kóbi de – haram», dep aıtqan.

- alkogolsiz energetıkalyq sýsyndar. Kez kelgen sýsynnyń quramynda alkogol, zııandy zattar, haram, nájis nárseler bolmasa ony qoldanýǵa ruqsat etiledi. Al quramynda adam balasynyń densaýlyǵyna zııan beretin zattar bolsa (alkogol, qaýipti zattar, haram, nájis t.b.) qoldanýǵa tyıym salynady.

«Energetıkalyq sýsyndardy jıi qoldaný aǵzaǵa (júrekke, júıke júıesine, qan qysymynyń joǵarylaýyna, qant dıabetine, semizdikke, aıaq-qoldyń diriline taǵy sol sııaqty) qaýipti ekeni medıtsına turǵysynan naqtylanǵan. Sondyqtan musylman adamǵa mundaı sýsyndardan aýlaq bolǵany durys», - delingen habarlamada.

Sheshim:

- Sýsynnyń quramynda sharıǵatta tyıym salynǵan nárseler bolmasa, ony qoldanýǵa ruqsat.

- Alkogoldy energetıkalyq sýsyndardy ishý – haram.

- Energetıkalyq sýsyndardy jıi qoldanýdyń aǵzaǵa qaýipti ekeni medıtsına turǵysynan naqtylanǵan bolsa, ony qoldanýǵa tyıym salynady.

Aıta ketsek, birer kún buryn QMDB qalyń maldy máhir dep sanaýǵa qatysty pátýa shyǵarǵan edi.