Energetıka jáne kommýnaldyq sharýashylyq ulttyq jobasy jyl sońyna deıin bekitiledi – Úkimet

<p>ASTANA. KAZINFORM &ndash; Ulttyq joba tozyǵy jetken ınfraqurylymdy qaıta jańartýdy kózdeıdi. Sonymen qatar ómirlik mańyzdy sektorlar, ıaǵnı jylý, energııa jáne sýmen jabdyqtaý jumysyn qamtamasyz etýdi úshin sheshý mańyzdy. Tolyǵyraq Úkimet basshysynyń orynbasary Qanat Bozymbaev aıtyp berdi.</p>

«Qazaqstan tıimdi ınfraqurylym eldiń turaqty ekonomıkalyq ósýi men halyqaralyq ınvestorlar úshin tartymdy ekenin moıyndaıdy. Zamanaýı talaptar men standarttarǵa sáıkes tıisti ınfraqurylymdyq bazany qurmaı, ındýstrııany damytý jáne uzaq merzimdi ekonomıkalyq tabysty qamtamasyz etý múmkin emes. Memleket basshysy halyqqa joldaýynda birinshi kezekte ınfraqurylymdyq máselelerdi sheshýge erekshe nazar aýdardy», - dedi Qanat Bozymbaev qazaqstandyq jahandyq ınvestıtsııalar taqyrybynda ótip jatqan forýmda. 

Vıtse-premerdiń aıtýynsha, tıimdi ınfraqurylym aldymen energetıka sektory men kommýnaldyq sharýashylyq jáne uzaq merzimdi tarıftik saıasatty naqty josparlaýdy talap etedi. Osy oraıda qarjy ınstıtýttary tarapynan qoljetimdi uzaq merzimdi kredıtteýdi qamtamasyz etý mindeti tur.

«Jyl sońyna deıin energetıka jáne kommýnaldyq sektorlardy jańǵyrtý jónindegi ulttyq jobany bekitýdi josparlap otyrmyz. Ulttyq jobany ázirleý ýaqtyly jáne óte qajet qujat. Joba tozǵan ınfraqurylymdy qaıta jańartýdy kózdeıdi. Bul mańyzdy strategııalyq mindet, joba ómirlik mańyzdy sektorlar, ıaǵnı jylý, energııa jáne sýmen jabdyqtaý jumysyn qamtamasyz etýdi úshin sheshý qajet», - deıdi ol. 

Sondaı-aq, Qanat Bozymbaev elimizde, ásirese óńirlerde tozyǵy jetken energetıka jáne kommýnaldyq sektorlarǵa ınvestıtsııa tartý máselesin kóterdi. 

«Bul salaǵa 1,6 myń shaqyrym jylý jelilerin jańǵyrtý úshin shamamen 16 mlrd dollar kóleminde ınvestıtsııalar tartýdy josparlap otyrmyz (tozýdy 42%-ǵa deıin tómendetedi), 78 myń shaqyrym elektr jabdyǵy jelileri ( tozýdy 51%-ǵa deıin tómendetedi), 4,7 myń shaqyrym sýmen jabdyqtaý jelileri ( tozýdy 34%-ǵa deıin tómendetedi), 2,6 myń shaqyrym sý burý jelileri (tozýdy tozý 41% deıin tómendetedi). Osylaısha apattar sanyn 27%-ǵa azaıtýǵa múmkindik beredi», - dep tolyqtyrdy Premer-Mınıstrdiń orynbasary. 

QR Prezıdenti janyndaǵy sheteldik ınvestorlar keńesiniń 36-shy plenarlyq otyrysynda Memleket basshysy Qasym-Jomart Toqaev ulttyq ınvestıtsııalyq platforma iske qosylatynyn aıtqan edi. 

Aıta keteıik, búgin elordada qazaqstandyq jahandyq ınvestıtsııalar taqyrybynda forým ótip jatyr.