Energetıka vıtse-mınıstri Uzaqbaı Qarabalın zeınetkerlikke shyqty (FOTO)

ASTANA. QazAqparat - 2015 jyly 19 qańtarda QR Premer-Mınıstri Qazaqstan Respýblıkasy Energetıka vıtse-mınıstri Uzaqbaı Qarabalındi zeınetkerlik jasqa jetýine baılanysty atqaryp otyrǵan jumysynan bosatý týraly qaýlyǵa qol qoıdy.

«Energetıka mınıstrliginde mınıstrlik basshylary men qyzmetkerleriniń qatysýymen Uzaqbaı Qarabalındi qurmetti demalysqa shyǵaryp salýǵa arnalǵan saltanatty jınalys ótti», delingen baspasóz habarlamasynda.

Jıynda sóz alǵan Uzaqbaı Qarabalın áriptesterine birlese atqarǵan jemisti jumystary úshin alǵysyn bildirip, mınıstrlikke qazirgi tańda naqty jáne aýqymdy maqsattar qoıylǵandyǵyn atap ótip, qyzmetkerler ony jaýapkershilikpen atqaratyndyǵyna senim bildirdi.

Uzaqbaı Qarabalın 1947 jyly 14 qazanda Qazaqstan Respýblıkasy Atyraý oblysy Embi aýdany Qosshaǵyl kentinde týǵan. 1970 j. I.M. Gýbkın atyndaǵy máskeý munaı-hımııa jáne gaz ónerkásibi ınstıtýtyn «Munaı men gaz kenishterin ıgerýdiń keshendi mehanızatsııasy jáne tehnologııasy» mamandyǵy boıynsha bitirdi.
Tehnıka ǵylymdarynyń kandıdaty (Ýfa munaı ınstıtýty,1985 j).
40-tan astam maqala, kitap, 5 ónertapqyshtyq jańalyq avtory.
Marapattaýlary: 3-shi dárejeli «Barys» ordeni (2005 j.), «Qurmet» ordeni (2000 j.), «Otlıchnık razvedkı nedr SSSR» belgisi (1988 j.), «Qazaqstan Konstıtýtsııasyna 10 jyl» mereıtoılyq medali (2005 j.), «Qazaqstan Respýblıkasynyń Parlamentine 10 jyl» mereıtoılyq medali (2006 j.), «Lıder rossııskoı ekonomıkı» ordeni (2005 j.), Qazaqstan Respýblıkasy qurmetti jer qoınaýyn barlaýshy» (2003 j.) ataǵymen marapattalǵan.
Eńbek jolyn 1973 jyly «Qazmunaıgazbarlaý» basqarmasy Ońtústik Embi munaı-gaz barlaý ekspedıtsııasynyń ınjener-tehnology bolyp bastaǵan.
1981 jyly Qazaq ǵylymı-zertteý geologııalyq barlaý munaı ınstıtýty dırektorynyń ǵylymı jumys jónindegi orynbasary (Atyraý oblysy), 1988 jyly «Kaspıımańygeologııa» Bas aýmaqtyq basqarmasy tereńdeı burǵylaý basqarmasynyń bastyǵy (Oral q.) boldy.
1990 jyly Qazaq polıtehnıkalyq ınstıtýtynyń Gýrev fılıalynyń kafedra meńgerýshisi, 1991 jyly QR Prezıdenti Apparatynyń jáne QR Mınıstrler kabınetiniń ónerkásip bóliminiń aǵa referenti qyzmetin atqardy.
1994 jyly QR Energetıka jáne otyn resýrstary mınıstriniń, QR Munaı jáne gaz ónerkásibi mınıstriniń orynbasary, 1997 jyly «Qazaqoıl» UMK birinshi vıtse-prezıdenti (Almaty q.), 2000 jyly «QazTransGaz» JAQ prezıdenti (Astana q.) qyzmetterin atqardy.
2001 jyly QR Energetıka jáne mıneraldy resýrstar vıtse-mınıstri (Almaty q.), 2003 jyly «QazMunaıGaz» Ulttyq kompanııasy» AQ prezıdenti, 2008 jyly «MańǵystaýMunaıGaz» AQ bas dırektory, 2013 jyly QR Munaı jáne gaz mınıstri laýazymynda boldy.