Energetıka vıtse-mınıstri: Salynýy múmkin AES-tiń orny ázirge anyqtalǵan joq

NUR-SULTAN. QazAqparat – QR Energetıka vıtse-mınıstri Jandos Nurmaǵanbetov Senat otyrysynan keıin BAQ ókilderine bergen suhbatynda Qazaqstanda salynýy múmkin AES-tiń orny týraly pikir bildirdi, dep habarlaıdy QazAqparat tilshisi.

«Atom elektr stansasyn salatyn alań tańdap alynǵan joq. Salý máselesi qaralyp jatyr. Júrgizilgen esepter Qazaqstannyń ekologııalyq kodekste qoıylǵan mindetterge qol jetikizýi úshin syrtqa qaldyq tastamaıtyn jańa generatsııa salý qajettigin kórsetti.

Bizdegi generatsııalaýdyń negizgi bóligi sovet ýaqytynda salynǵan. Jańa salynǵandary sondaı kóp emes. Sondyqtan stansalardyń eskirý problemasy bar. ıAǵnı jańa generatsııalar alý qajet. Kómirsýteksiz generatsııaǵa osy atom stansasy jatady. Sondyqtan atom stansasyn salý máselesi qaralyp otyr», - dedi ol.

Aıtýynsha, ázirge salynýy múmkin atom stansasynyń qurylys alańy, stansanyń kólemi men mólsheri anyqtalǵan joq.

«Meniń oıymsha naqty sheshim bıyl qabyldanatyn bolýy kerek», -dedi vıtse-mınıstr.