Energetıka sektoryndaǵy tıimdilikti arttyrý ındýstrııalandyrý aıasyndaǵy basty basymdyqtardyń biri - vıtse-premer

ANA. Sáýirdiń 27-si. QazAqparat /Ernur Aqanbaı/ - Energetıka sektoryndaǵy tıimdilikti arttyrý ındýstrııalandyrý aıasyndaǵy basty basymdyqtardyń biri bolyp tabylady. Bul týraly búgin Astanada ótken energetıkalyq salany damytý perspektıvasyna arnalǵan keńeste vıtse-premer- ındýstrııa jáne jańa tehnologııalar mınıstri Áset Isekeshev aıtty,

dep habarlaıdy QazAqparat.

«Indýstrııalandyrý baǵdarlamasyn júzege asyrý generatsııalanatyn qýattardyń barymen, olardyń qazirgi tehnıkalyq jaǵdaıymen jáne orta merzimdi perspektıvadaǵy jańǵyrtylýymen tyǵyz baılanysty. Qazaqstan Úkimeti jahandyq qarjy daǵdarysynyń saldaryn tómendetip, bızneske aıaǵyna tik turyp ketýine kómektesý úshin qolynan kelgeniniń barlyǵyn jasady. Biz de endi ekonomıkanyń naqty sektoryndaǵy belsendiliktiń ósimin, izinshe elektr energııasyn tutyný kóleminiń artýyn kútýge quqylymyz », dedi keńeste Á. Isekeshev.

Osy oraıda vıtse-premer: «Bizdiń barlyǵymyz Іshki jalpy ónim óndirisiniń qarqynynyń shapshań bolatyndyǵyna daıyn bolýǵa tıispiz», dedi. Osy oraıda ol ındýstrııalandyrý baǵdarlamasyna jańa generatsııalanatyn qýattar qurylysyn salý, qoldanystaǵy qýattardyń keńeıtý, elektr jelileri nysandaryn damytý jobalary engizilgenin atap kórsetti. Balqash JES-i, Moınaq SES-i, Ekibastuszdaǵy 2-shi GRES-tiń 3-shi energoblogy, Ekibastuzdaǵy 1-shi GRES-tiń energobloktaryn jáne AQSÝ GRES-in qalpyna keltirý, ulttyq elektr jelisin jańǵyrtý solardyń negizgileri bolyp tabylady. «Úkimet aýqymdy jumystardy atqardy, bul jobalar júzege asyrylatyn bolady, barlyq máseleler is júzinde sheshimin tapty», dedi ol.