Energetıka salasynda basshy áıelderdiń sanyn qalaı arttyrýǵa bolady

<p>&laquo;EksonMobıl Qazaqstan Ink&raquo; kompanııasynyń basqarýshy dırektory Sesıl Rolın energetıka salasynda basshylyq laýazymdaǵy áıelderdiń sanyn arttyrýǵa qatysty pikirimen bólisti, dep habarlaıdy QazAqparat tilshisi.</p>

«Eń aldymen dástúrli genderlik rólge negizdelgen tysqary pikirden arylýymyz qajet. Áıelder mansap jolynda otbasyna basymdyq beredi degen oıdan arylǵan jón. Onyń ornyna árbir adamǵa onyń adamgershiligi men umtylysy turǵysynan qaraýymyz kerek. Ózimniń eńbek jolymda kóptegen áıeldiń otbasy men mansapqa umtylys arasyndaǵy teńgerimdi tabysty taba bilgenine kýá boldym. Onyń ústine keıbiri otbasynan jyraqta, shetelde jumys isteýine týra keldi», - dedi ol KazEnergy energetıkalyq forýmynda.

Sheteldik sarapshy, ekinshiden, áıelderdiń maqsaty men qalaýyna qulaq túrý mańyzdy ekenin aıtady. 

«Úshinshiden, genderlik teńdik degenimiz – ujymdyq kúsh-jiger. Jumys ornynda teńdeı múmkinshilikterdi moıyndaý asa mańyzdy. Basshylyq qyzmettegi áıelder tálimger rólin qolǵa alyp, úlgi bolýy, tájirıbesimen bólisýi, jeńilisteri men jeńisteri jaıly ashyq aıtýy tıis. Mundaı baǵa jetpes tálimgerlik kóshbasshylarǵa qajetti qoldaý kórsetedi. Bolashaq kóshbasshy áıelder daıyndaý – bul tek genderlik teńdik máselesi emes. Sóz salany nyǵaıtý, ınnovatsııany yntalandyrý, barynsha teńgerimdi ári gúldengen bolashaqty qamtamasyz etý jaıynda bolyp otyr», - dedi Sesıl Rolın.