Energetıka mınıstrliginiń strategııalyq josparlary ózgerissiz qaldy - U. Qarabalın

ASTANA. QazAqparat - Bıylǵy jyly maqsat-mindetterin oryndaýy úshin ken ornyn paıdalanýshylarǵa barynsha qoldaý jasalýda. Búgin Ortalyq kommýnıkatsııalar qyzmetindegi baspasóz máslıhatynda QR Energetıka birinshi vıtse-mınıstri Uzaqbaı Qarabalın osylaı málimdedi.

«Inflıatsııalyq targetteýdiń Qazaqstannyń munaı-gaz ónerkásibine yqpaly týraly aıtatyn bolsaq, Energetıka mınıstrliginiń strategııalyq josparlary ózgerissiz qaldy. Aǵymdaǵy sharalar belgilengen josparǵa sáıkes júrgizilýde. Osyǵan sáıkes, bıylǵy jyly maqsat-mindetterin oryndaýy úshin ken ornyn paıdalanýshylarǵa barynsha qoldaý jasalýda. Bizdiń oıymyzsha, munaı óndirý salasynda álemdik jaǵdaıdyń qıyn bolýyna qaramastan, aǵymdaǵy jyldaǵy belgilegen jumystarymyz tolyq júzege asyrylý turǵysynda barlyq tıisti sharalardy atqarýǵa qaýqarly bolamyz», - dedi U. Qarabalın.