Energetıka mınıstrliginde Qazaqstanda JEK sektoryn odan ári damytý máselesi talqylandy

NUR-SULTAN. QazAqparat – QR Energetıka vıtse-mınıstri Jandos Nurmaǵanbetov Qazaqstanda jańartylatyn energııa kózderi (JEK) sektoryn odan ári damytý máselesi boıynsha keńes ótkizdi, dep habarlaıdy QazAqparat atalmysh vedomostvonyń baspasóz qyzmetine silteme jasap.

Keńeske «KOREM» AQ, «JEK jónindegi esep aıyrysý-qarjy ortalyǵy» JShS, «KEGOC» AQ, Azııa Damý Banki, «JEK ınvestıtsııalaý táýekelderin tómendetý» BUUDB-ǴEQ jobasy, «Qazaq Green» JEK qaýymdastyǵynyń ókilderi qatysty.

Qazirgi ýaqytta Mınıstrlik JEK boıynsha zańnamaǵa jáne normatıvtik quqyqtyq aktilerge túzetýler toptamasyn ázirleýde.

Osyǵan baılanysty, JEK sektoryn damytýdy jáne elektr energetıkasy salasyndaǵy aǵymdaǵy jaǵdaıdy jaqsartýǵa baǵyttalǵan túrli bastamalar talqylandy.

Birinshi kezekte, Mınıstrlik orta merzimdi kezeńge elektr energııasyn jınaqtaý júıesi bar JES jobalary úshin pılottyq aýktsıondar ázirleýge daıyndyǵyn bildiredi.

Bul sharalar sektordaǵy ınvestıtsııalyq belsendilikti yntalandyrýǵa jáne JEK damytýdyń orta merzimdi perspektıvaǵa arnalǵan kólemderi boıynsha aıqyndylyq berýge múmkindik beredi.