Energetıka mınıstrligi Reseıden josparly elektr ımportyn jolǵa qoımaqshy
«Biz qazir Reseı Federatsııasymen elektr energııasynyń josparly ımporty týraly kelisimge kelmekshimiz. Óıtkeni buǵan deıingi ımporttar tehnıkalyq aǵyn arqyly jetkizilip kelgen edi. Reseılik áriptesterimizben josparly ımporttyń kólemi qansha bolatyny týraly kelissóz júrgizip jatyrmyz. Dál qazirgi jaǵdaıdy aıtsaq, Qarjylyq monıtorıng agenttigimen, energetıkalyq qadaǵalaýshy organmen birge zańsyz jalǵanyp alǵandardy, qara maınıng sýbektilerin anyqtaý jumystary júrgizildi, júrgizilip te jatyr. Júıege aıtarlyqtaı elektr qýatyn qaıtara aldyq. Shamalap aıtsaq, 300 MVt zańsyz tutynylyp kelgen energııa anyqtaldy. Bul jumys jalǵasyp jatyr. Taǵy tutynýy shektelgen sýbektilerde 600 MVt-qa deıin qýat bar. Búginde júıe teńgerimge keldi. Aıtarlyqtaı tapshylyq kórip otyrǵan joqpyz», - degen vedomstvo basshysy Reseıden elektr ımporttaýdyń sebebin túsindirdi.
«Nege josparly ımportty oılastyra bastadyq degenge kelsek, birinshi kezekte Ýkraına zaýyttarynan qosalqy bólshekterdi, montajdaý brıgadalaryn jetkizý boıynsha máseleler bar. ıAǵnı, tap bolýymyz múmkin obektıvti problemalar bar. Sondyqtan bul jaǵyna da daıyn bolýymyz kerek. Ekinshiden, ókinishke qaraı, bizdegi elektr stansalarynyń qyzmet kórsetý merzimi eskirip barady. Stansalarda apat jıilep ketken. Osyndaı olqylyqtarǵa jol bermeý úshin qandaı da bir josparly ımport týraly oılaý kerek bolyp tur», - dedi Bolat Aqsholaqov.