Energetıka mınıstrligi dızel otynyn tapshylyǵyn boldyrmas úshin sharalar qabyldaýda

NUR-SULTAN. QazAqparat – QR Energetıka mınıstrligi Munaı tasymaldaý jáne óńdeý departamentiniń dırektory Baýyrjan Sálimgereev oraq naýqanynda sharýalardy dızel otynymen qamtamasyz etý úshin Pavlodar munaı-hımııa zaýytyndaǵy jóndeý jumystary shegerilgenin málim etti, dep habarlaıdy QazAqparat tilshisi.

«Aýyl sharýashylyǵy taýaryn óndirýshilerdi dızel otynymen qamtamasyz etý kezinde olqylyqtar bolmaýy úshin Pavlodar munaı-hımııa zaýytynda josparly jóndeý jumystarynyń ýaqyty shegerildi. Bastapqyda jóndeý jumystaryn 24 shildede bastalyp, 24 kún boıy jalǵasady dep josparlanǵan bolatyn. Endi jóndeý aǵymdaǵy 1 qazanda bastalady. Biraq josparly jóndeý jumystaryn túbi bir júrgizbese bolmaıdy. Óıtkeni zaýyttyń odan ári qaýipsiz jumys isteýi jóndeý jumystaryna táýeldi», - dedi Baýyrjan Sálimgereev.

Aıta keteıik, bıyl kúzgi egis jumystaryna dep dıqandarǵa 440 myń tonna dızel otyny bólinip otyr.

«Oraq jumystaryn júrgizý jáne jem daıyndaý úshin aýyl sharýashylyǵy taýaryn óndirýshilerdiń atyna 440 myń tonna dızel otyny bólindi. Resýrs ustaýshylardyń bosatý baǵasy «Pavlodar munaı-hımııa zaýytynda» JShS men «PKOP» JShS-da dızeldiń tonnasyn 189 myń teńgeden nemese lıtrin 159 teńgeden, al» Atyraý munaı óńdeý zaýyty» JShS-da tonnasyn 187 myń teńgedene nemese lıtrin qosymsha qun salyǵyn qosqanda 159 teńgeden alýǵa bolady. Jetkizý men saqtaý shyǵyndaryneskere otyryp, dızel otynynyń baǵasy óńirge baılanysty shamamen lıtrine 175-180 teńge bolady. Bul janarmaı quıý stansalaryndaǵy baǵadan arzan», - dedi Baýyrjan Sálimgereev.