Energetıka mınıstrligi benzınniń qalypty baǵasyn atady

ASTANA. QazAqparat - Reseıden benzın ımporttaıtyn kompanııalar úshin 151-155 teńge (AI-92 benzıni) oryndy. Bul týraly Ortalyq kommýnıkatsııalar qyzmetindegi baspasóz máslıhatynda QR Energetıka vıtse-mınıstri Áset Maǵaýov málim etti, dep habarlaıdy QazAqparat.

«Qazaqstan boıynsha shyǵarylatyn ónimimiz bıylǵy toǵyz aıda 12 paıyzǵa ósti, ıaǵnı 194 myń tonna benzındi artyq shyǵardyq. Soǵan qaramastan, tutyný kólemi de artty, toǵyz aıda 154 myń tonnaǵa joǵarylady. Endi jaz aılarynda Reseıde Qazaqstanǵa satyp otyrǵan benzın baǵasy shekarada 517-den 555 dollarǵa deıin ósti», - dedi Á.Maǵaýov.

Onyń sózine qaraǵanda, kelisimshartqa otyrǵanda reseılik kompanııalarmen janarmaı quny dollarmen bekitiledi.

«Úsh aıdyń ishinde dollar baǵamy 312-den 340 teńgege deıin, ıaǵnı 16 paıyzǵa ósti. Bul baǵyttaǵy faktorlar kompanııalardyń shyǵynyn kóbeıtip, osynyń saldarynan janar-jaǵarmaı quıý stansalarynda baǵany ósirýge májbúr bolady. Qazirgi tańda bizdiń esebimiz boıynsha tolyqtaı RF-ten ımport jasap, benzın satyp jatqan kompanııalarda lıtrine 151-155 teńge (AI-92 benzıni) baǵa oryndy dep sanap otyrmyz. Ary qaraı Reseıdegi baǵaǵa, sondaı-aq bizdiń teńgeniń qunyna baılanysty bolady», - dedi vıtse-mınıstr.