Energetıka mınıstrligi quny 17 trln teńge bolatyn 60 ınvestjoba ázirledi
Investıtsııalyq jobalardyń negizgi baǵyttary jańa energoqýattardy engizý, gaz óńdeý zaýyttaryn salý, otandyq munaı óńdeý zaýyttaryn keńeıtý, jańartylatyn energııa kózderi salasyndaǵy jobalar, munaı-gaz hımııasyn damytý jáne t.b. bolyp tabylady.
Jańa energoqýattardy engizý:
Josparǵa sáıkes, ońtústik óńirlerde ornatylǵan qýaty shamamen 2,3 GVt gaz generatsııalaý jobalary iske asyrylýda;
2024 jyly qýaty 500 MVt bolatyn Ekibastuz GRES-1-degi birinshi energııa blokty qalpyna keltirý boıynsha iri jobanyń aıaqtalýy josparlanýda;
Batys Qazaqstannyń elektr jelilerin Birtutas elektr energetıkalyq júıesine qosý jobasy boıynsha jumystar jalǵasady;
2035 jylǵa deıingi qabyldanǵan eldiń Energetıkalyq balansyna sáıkes, jalpy qýaty shamamen 26 GVt bolatyn jańa qýattardy iske qosý jáne qoldanystaǵy qýattardy jańǵyrtý jobalary iske asyrylady.
Gaz óńdeý zaýyttaryn salý:
2028 jyly paıdalanýǵa beriletin Qarashyǵanaq ken ornynda jylyna 4 mlrd m³ gaz óńdeý zaýyty;
2030 jylǵa qaraı qýaty 2,5 mlrd m³ bolatyn Qashaǵan ken ornynda jańa gaz óńdeý zaýyty;
Qashaǵan ken ornynda qýaty 1 mlrd m³ bolatyn gaz óńdeý zaýyty salynýda, 2026 jyldyń II toqsanynda paıdalanýǵa berý josparlanǵan.
Otandyq munaı óńdeý zaýyttaryn keńeıtý:
Munaı óńdeý qýattylyǵyn 18 mln tonnadan 27 mln tonnaǵa deıin ulǵaıtý jumystary júrgizilýde. Atap aıtqanda, Shymkent MÓZ – 6 mln tonnadan 12 mln tonnaǵa deıin, Pavlodar NHZ – 5,5 mln tonnadan 8 mln tonnaǵa deıin, CaspiBitum – 1 mln tonnadan 1,5 mln tonnaǵa deıin.
Jańartylatyn energııa kózderi:
2027 jyldyń sońyna deıin 592 MVt jasyl generatsııany iske qosý josparlanýda.
Munaı-gaz hımııasy:
Munaı-gaz hımııasy salasynda býtadıen jáne onyń týyndylaryn óndirý qýaty jylyna 339 myń tonnaǵa deıin, polıetılen – 1250 myń tonnaǵa deıin jáne polıetılentereftalat – 730 myń tonnaǵa deıin bolatyn 3 iri joba júzege asyrylýda, jalpy somasy shamamen 12,9 mlrd AQSh dollaryn quraıdy.