Energetıka mınıstri otyn jetkizýshiler aldyndaǵy bereshekti joıý týraly aıtty
«Jalpy alǵanda, 2020-2021 jyldardaǵy kúzgi-qysqy kezeńnen sátti ótý úshin eń aldymen elektr stansalaryndaǵy, elektr jelilerindegi barlyq jóndeý jumystaryn tolyq kólemde oryndaý; otyn jetkizýshiler aldyndaǵy bereshekti joıýdy qamtamasyz etý; kommýnaldyq qyzmetterdi tutynýshylardyń jetkizýshiler aldyndaǵy debıtorlyq bereshegin joıý boıynsha sharalar qabyldaý qajet», - dedi mınıstr.
Sonymen qatar, ol eldi mekenderdiń bilim berý, densaýlyq saqtaý, tirshilikti qamtamasyz etý nysandaryn, áleýmettik jáne mádenı nysandaryn jylýmen jabdyqtaý júıesine ýaqtyly qosýdy qamtamasyz etý kerektigin basa aıtty.
«Kommýnaldyq jáne densaýlyq saqtaý nysandaryn derbes rezervtik elektrmen jabdyqtaý kózderimen qamtamasyz etý kerek. Sondaı-aq jylytý kezeńinde elektr stansalaryna, qazandyqtarǵa jáne turǵyndardyń qajettilikterine kómir men mazýttyń turaqty jetkizilimin qamtamasyz etý qajet dep sanaımyz. Energetıka mınıstrligi ortalyq jáne jergilikti atqarýshy organdarmen birlesip, óńirlerdegi jylytý maýsymynyń daıyndyǵy men barysyn baqylaý jumystaryn odan ári jalǵastyrady», - dedi Nurlan Noǵaev.