Energetıka mınıstri óńirlerdegi jylý elektr ortalyqtaryn aralap shyǵatynyn aıtty

ASTANA. QazAqparat - Energetıka mınıstri Almasadam Sátqalıev Rıdder men Astanadaǵy jylý berý júıesi nysandarynyń tozýy jaǵdaıyna qatysty pikir bildirdi, dep habarlaıdy QazAqparat tilshisi.

«Bul nysandar boıynsha óte kúrdeli táýekelder bar. Olarǵa buǵan deıin qarajat az bólingen. Birqatar jylý elektr ortalyqtaryndaǵy jaǵdaı óte qıyn. Endigi bizdiń mindet – bul nysandardyń jylý berý maýsymyna daıyn bolýy úshin qoldan kelgenniń bárin jasaý», - dedi A. Sátqalıev Májiliste tilshiler suraǵyna jaýap bere otyryp.

Sonymen qatar ol el óńirlerindegi jylý elektr ortalyqtaryna ne sebepti áli barmaǵanyn aıtty.

«Nysandardy aralap shyǵýǵa qatysty tıisti jospar jasaldy. Bul jospar Úkimet basshysynyń orynbasarymen, ákimdiktermen kelisildi. Taıaýda negizgi nysandardyń barlyǵyn aralap shyǵýdy josparlap otyrmyn. Nelikten osy kúnge deıin barmadym? Bul negizinen jóndeý jumystarynyń kestesine qatysty. ıAǵnı merdiger uıymdar naqty iriktelgen kezde, atqarylatyn jumysqa jaýaptylar bolǵanda ǵana sapar nátıjeli bolady. Bul turǵyda iske asyrylyp jatqan jumys qarqynyn naqty kórýge bolady. ıAǵnı olardyń qanshalyqty úlgerip jatqanyna naqty baǵa beremiz», - dedi mınıstr.