Energetıka mınıstri munaı óndirýdegi bastapqy josparyn oryndalýy týraly aıtty

NUR-SULTAN. QazAqparat – Kaspıı qubyr konsortsıýmy jóndelse, Qazaqstan munaı óndirýdegi bastapqy josparyna oralýy múmkin. Muny QR Energetıka mınıstri Bolat Aqsholaqov málimdedi, dep habarlaıdy QazAqparat tilshisi.

«Rasynda da Kaspıı qubyr konsortsıýmynyń jumysy uzaqqa turalap qalady degen syn-qaterler boldy. Sondyqtan Qazaqstannyń munaı óndirý jospary 87,5 mln tonnadan 86 mln tonnaǵa deıin qaıta qaralǵan edi. Bul jospardy biz oryndaımyz. ıAǵnı, barlyq marshrýttarymyzdy iske qosyp, Kaspıı qubyr konsortsıýmynyń jumysy erterek qalpyna kelse, bastapqyda josparlaǵan 87,5 mln tonnaǵa da qol jetkizýimiz múmkin. Ázirge osyndaı boljamymyz bar», - dedi Bolat Aqsholaqov Májilistiń jalpy otyrysynda.

Sonymen birge, mınıstr eksporttyń balamaly marshrýttary retinde Atyraý-Samara munaı qubyry men Aqtaý portyn atady.

Eske salsaq, Qara teńizdegi daýyldyń saldarynan Kaspıı qubyr konsortsıýmynyń qubyr júıesine zaqym keldi.

QR Premer-Mınıstriniń orynbasary – Qarjy mınıstri Erulan Jamaýbaevtyń aıtýynsha, apattan kelgen shyǵyn 100-150 mlrd teńge kóleminde baǵalanyp otyr.