Energetıka mınıstri AES qurylysy boıynsha jańa málimetpen bólisti

NUR-SULTAN. QazAqparat – Qazaqstan atom elektr stansasyn salý úshin AQSh tehnologııasyn qarastyrmaıdy. Bul týraly QR Energetıka mınıstri Bolat Aqsholaqov aıtty, dep habarlaıdy QazAqparat tilshisi.

«AES-qa qatysty qysqasha aıta keteıin. Buǵan deıin laıyqty tehnologııa tańdaý protsesi júrip jatqanyn aıtqan edik. Ázirshe qandaı da bir tehnologııany tańdap alǵan joqpyz. Ótken jyly Túrkııa, Frantsııa, Ońtústik Koreıaǵa baryp kórdik, Birikken Arab Ámirlikterine saparladyq. Josparda venger nysandary bar. Barlyq stansa ártúrli tehnologııamen salynǵan. Túrkııada - reseılik «Rosatom» tehnologııasy», - dedi mınıstr Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, atalǵan elderdegi tehnologııalardyń barlyq oń jáne teris jaqtaryn saralaý qajet.

«Birneshe nusqa bar. Ne memleket ózi salady ne bolmasa tehnologııa lıtsenzıaryna salý múmkindigi beriledi. Qaýipsizdik, sesmıkalyq zertteý áli júrgizilip jatyr. Degenmen, shamamen qurylys alańyn aıqyndap qoıdyq, ol - Úlken eldi mekeni. Osy ýaqytqa deıin 5 tehnologııadan turatyn qysqa tizim bolǵan. Biz AQSh tehnologııasyn qarastyrmaımyz dep sheshtik. Sebebi referenttik emes bloktan salynady», - dedi Bolat Aqsholaqov.

Foto: ortcom.kz