Energetıka mınıstri jylýsyz qalǵan qalalardaǵy jaǵdaıdy «tehnologııalyq aqaý» dep atady

<p>Energetıka mınıstri Almasadam Sátqalıev jylýmen jabdyqtaý salasynda problemaǵa tap bolǵan qalalardaǵy jaǵdaı týraly málimet berdi,&nbsp;&nbsp; dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Ótken aptadan bastap Qazaqstanǵa sýyq atmosferalyq aýanyń kirýimen energııa kózderi men jylý jelilerinde birqatar tehnologııalyq buzýshylyqtar baıqaldy. Energetıka mınıstrliginiń quzyreti sheńberinde tehnologııalyq buzýshylyqtar Temirtaý qalasyndaǵy «Bassel Group LLS» JShS jáne Ekibastuz JEO Rıdder JEO, GRES-1-de ǵana tirkeldi. Bul nysandarda temperatýra rejımi tolyq kólemde qalpyna keltirildi. Sonymen qatar tehnologııalyq buzýshylyqtardyń sıpatyna qarasaq, atalǵan jaǵdaılardyń eshqaısysy apatqa jatpaıdy», - dedi mınıstr.

Onyń sózinshe, Stepnogorsk, Balqash, Aqtaý jáne Kókshetaý qalalaryndaǵy jylý jelilerindegi tehnologııalyq aqaýlar da normatıvtik merzimde joıylǵan.

«Qazirgi ýaqytta barlyq tutynýshy qosylǵan. Elektr qýatyn tutynýdyń eń joǵary mólsheri 2024 jylǵy qańtarda 16,5 myń MVt óz generatsııasy kezinde 17 myń MVt deńgeıinde kútiledi», - dedi Almasadam Sátqalıev.