Energetıka mınıstri jylytý maýsymyna daıyndyq kestesinen artta qalǵan óńirlerdi atady

<p>Elimizdiń birqatar óńiri jylytý maýsymyna daıyndyq kestesinen artta qalyp otyr. Bul týraly Energetıka mınıstri Almasadam Sátqalıev aıtty, dep habarlaıdy QazAqparat tilshisi.</p>

«Jumys kestege saı júrgizilip jatyr. Keıbir óńirdiń azdap artta qalýy bar. Degenmen, jergilikti atqarýshy organdar nysandardy daıyndaýǵa qatysty úlken jumys júrgizýi úshin tirkep otyrmyz. Іs júzinde mınıstrlik jylytý maýsymyn bastaý kestesin bekitti. Jumys bastalalar kezde barlyq stansa daıyn bolmasa da jylytý maýsymyn bastaý, jelilerdiń jylý parametrlerin qoldaý úshin qajetti qazandyq jabyqtary qamtamasyz etiledi», - dedi XV KazEnergy Eýrazııalyq forýmy aıasynda BAQ ókilderiniń saýalyna oraı.

Onyń dereginshe, Rıdder, Kentaý, Qaraǵandy jáne Atyraý jylytý maýsymyna daıyndyq kestesinen sál artta qalyp otyr.

Degenmen, mınıstrdiń sendirýinshe, bul jaıt jylytý maýsymyn bastaýǵa áser etpeıdi.