Energetıka mınıstri munaı óńdeý zaýyttarynyń Reseıge satylatyny týraly aqparatqa jaýap berdi

<p>ASTANA. KAZINFORM &ndash; Energetıka mınıstri Almasadam Sátqalıev Atyraý, Pavlodar munaı óńdeý zaýyttarynyń Reseıdiń &laquo;Lýkoıl&raquo; j&raquo;ne &laquo;Gazprom&raquo; kompanııalaryna satylatyny týraly málimetke jaýap berdi.</p>

«Naqty satyp alýshyǵa kelsek, Energetıka mınıstrligine eshkim maquldaý alý úshin júgingen joq. Sondyqtan bul jerde men «QazMunaıGaz» pikirimen kelisemin, qandaı da bir kommertsııalyq kelisim týraly aıtýǵa erte. Jalpy, ózderińiz biletindeı, Qazaqstanda «QazMunaıGaz» ben CNPC «50 de 50» qaıǵdatymen ıelik etetin munaı óńdeý zaýyty bar. Energetıka mınıstriliginiń paıymynan qarasaq, bul jerde menshik formasy ǵana emes, basqarý tıimdiligi, ınvestıtsııalyq baǵdarlamanyń oryndalýy, turaqty jumys basym baǵytqa shyǵyp tur. «QazMunaıGaz» aktıvterin satýǵa kelsek, ol sol kompanııanyń óz quzyretindegi sharýa», - dedi Almasadam Sátqalıev. 

Sondaı-aq, ol Atyraý men Pavlodardaǵy munaı óńdeý zaýyttaryn jekeshelendirý máselesi qaıdan shyqqany týraly pikir bildirdi. 

«Birinshiden, «QazMunaıGazdyń» ózi de jeke menshik kompanııa bolyp esepteledi. IPO qorytyndysy boıynsha kompanııa aktsııalarynyń bir bóligi aınalymǵa shyǵarylǵan, suranys bar. Ol aktsııalardyń ıeleri – Qazaqstan azamattary, Qazaqstan kásiporyndary. ıAǵnı, kompanııa onsyz da memlekettik kásiporyn emes, jeke menshiktiki. Jekelegen zaýyttarǵa kelsek, biz kommertsııalyq usynys bolsa, onyń kásiporynǵa qanshalyqty tıimdi bolatynyna, qaıta óńdeý salasyn damytý jónindegi memlekettik baǵdarlamalardy iske asyrý turǵysynan qaraýymyz kerek», - dedi mınıstr.