Energetıka mınıstri monoqalalarǵa gaz tartý josparyna túsinik berdi

<p>ASTANA. KAZINFORM &ndash; Energetıka mınıstri Almasadam Sátqalıev jylý berý júıesinde tarıfterdi kóterý qajet ekenin aıtty.</p>

Búgin Parlament Májilisindegi baspasóz máslıhatynda tilshiler mınıstrden elimizdegi monoqalalarǵa ne sebepti gaz tartylmaǵanyn surady.

«Bul turǵyda eldi mekenderde ınfraqurylym tartý máselesi bar. Atap aıtqanda, «Beıneý-Bozoı-Shymkent» gaz qubyrynyń ekinshisi jelisin tartý eskerilgen. Onyń quny 2,7 trln teńge somasynda baǵalanǵan. Gaz jobalary qurylysyna júzdegen mıllıard teńge qajet. ıAǵnı, bul aýyldarǵa gaz ınfraqurylymy jetken boıda, jelige qosylady. Jalpy, gaz salasyn damytý jospary bar. Óńirler júıeli túrde qamtamasyz etilip keledi. 2032 jylǵa deıin osy jumystar iske asyrylady», - dedi Almasadam Sátqalıev.

Byltyr «Beıneý - Bozoı – Shymkent» gaz qubyrynyń 2-jelisi salynatyny jarııalandy. 

Bıyl aqpan aıynda Memleket basshysy Qasym-Jomart Toqaev «QazaqGaz» UK» AQ basqarma tóraǵasy Sanjar Jarkeshovti qabyldady. 

Prezıdent gaz salasyn keshendi túrde damytýǵa, sonyń ishinde ishki naryqty gazben turaqty túrde qamtýǵa, resýrstyq bazany keńeıtýge, atalǵan salanyń ózekti máselelerin sheshýge jáne onyń ınvestıtsııalyq tartymdylyǵyn jaqsartýǵa baǵyttalǵan birqatar tapsyrma berdi.