Energetıka mınıstri ınvestorlarmen birlese júzege asyrylatyn gaz jobalaryn atady

<p>ASTANA. KAZINFORM &ndash;&nbsp; QR Energetıka mınıstri Almasadam Sátqalıev elimizdiń aýmaǵynda gaz tartý jónindegi jospar men tetikterge túsinik berdi.</p>

«2030 jylǵa qaraı halyqty gazdandyrý deńgeıin 65 paıyzǵa deıin jetkizý josparlanǵan. 2023 jyldyń qorytyndysy boıynsha gazdandyrý deńgeıi 60%-qurady, ıaǵnı 12 mln adam gazǵa qol jetkize aldy. Bıyl gazdandyrýdy jalǵastyrýǵa 90,4 mlrd teńge bólindi, bul 244 myń adamdy gazben qamtamasyz etýge nemese gazdandyrý deńgeıin 61,1 paıyzǵa deıin jetkizýge múmkindik beredi», - dedi A.Sátqalıev Senatta «Ornyqty damý maqsattaryn iske asyrý sheńberinde Qazaqstanda balamaly energııa kózderi men jasyl tehnologııalaryn damytý» taqyrybyndaǵy mindetterdiń iske asyrylýyna monıtorıng júrgizý jónindegi parlamenttik komıssııa otyrysynda.

Onyń aıtýynsha, ınvestıtsııalyq jobalardy qajet gaz kólemimen qamtamasyz etý maqsatynda iri ınfraqurylymdyq jobalardy iske asyrý josparlanǵan.

Atalǵan jobalardyń ishinde:

- «Beıneý – Bozoı – Shymkent» magıstraldyq gaz qubyrynyń 2-shi ekinshisin jelisin salý;

– «Aqtóbe-Qostanaı» magıstraldyq gaz qubyryn salý;

- «Saryarqa» qubyrynyń kelesi kezeńin iske asyrý;

- «Taldyqorǵan-Úsharal» magıstraldyq gaz qubyryn salý.

«Joǵaryda atalǵan jobalardy iske asyrý úshin syrtqy ınvestıtsııalardy tartý eskerilgen.

Memleket basshysynyń jaqynda Qatarǵa jasaǵan sapary barysynda «Beıneý – Bozoı – Shymkent» jáne «Aqtóbe-Qostanaı» 2-shi jelisin salý jónindegi jobalardy birlesip iske asyrý boıynsha qatarlyq ınvestorlarmen (Power International Holding) kelisimderge qol qoıyldy.