Energetıka mamandyqtaryna grant sanyn kóbeıtý kerek – Úkimet basshysy

<p>ASTANA. KAZINFORM &ndash; Premer-mınıstr Oljas Bektenov Úkimet otyrysynda energetıka mamandyqtaryna grant sanyn kóbeıtýdi tapsyrdy.</p>

«Tamara Qasymqyzyna (vıtse-premer – red.) tıisti vedomstvolarmen birge jylý jáne elektr energetıkasy salasyn kadrlarmen qamtamasyz etý máselesin pysyqtaýdy tapsyramyn. Biz qazirdiń ózinde kadr tapshylyǵyn sezinip otyrmyz. Eńbek, Ǵylym jáne Oqý-aǵartý mınıstrlikteri osy saladaǵy eńbek naryǵynyń aǵymdaǵy jaǵdaıyna tolyq taldaý júrgizip, qajet bolsa tıisti mamandyqtarǵa granttardyń sanyn kóbeıtý kerek. Oqý oryndary joǵary bilikti ınjenerlerdi, energetıkterdi, gıdrotehnıkterdi, energetıka aýdıtorlaryn, elektrıkterdi jáne basqa da mamandardy daıarlap shyǵarýǵa tıis», - dedi ol.

Sondaı-aq, Oljas Bektenov aldyńǵy býyndaǵy mamandardyń bilimi men tálim-tájirıbesin jastarǵa berý mańyzdy ekenin eske saldy.