Endokrındik júıe – áıeldiń urpaqty bolý fýnktsııasynyń negizi
Konferentsııanyń maqsaty – gınekologııalyq endokrınologııa salasynda tájirıbe almasý úshin Qazaqstan men sheteldiń jetekshi mamandaryn biriktirý. Konferentsııaǵa 400-den astam adam qatysyp, Grýzııa, Qazaqstan, Qyrǵyzstan, Reseı jáne Ýkraına elderinen kelgen spıkerler 45 baıandama jasady.
Aıta ketsek, endokrındik júıe – áıelder densaýlyǵynyń, atap aıtqanda onyń urpaqty bolý fýnktsııasynyń negizi. Ol etekkir tsıklin, júktilikti, menopaýzany jáne áıel denesiniń basqa da mańyzdy protsesterin retteýde mańyzdy ról atqarady. Endokrındik densaýlyqqa qatysty problemalar osy mańyzdy reprodýktıvti protsesterdi buzyp, menopaýzalyq buzylýlar, jatyr mıomasy, endometrıoz, analyq bez kıstalary, jatyr moıny patologııasy, qan ketý jáne basqalary sııaqty áıelder densaýlyǵynyń ártúrli máselelerine ákelýi múmkin. Sondyqtan gınekologııalyq endokrınologııa – áıel densaýlyǵynyń názik, biraq mańyzdy máseleleriniń kópshiligin sheshýge baǵyttalǵan medıtsınalyq bilimniń eń qarqyndy damyp kele jatqan salalarynyń biri.