Endigi jerde memlekettik organdardyń web-saıtynda zań jobalaryn jarııalaý mindeti kózdelip otyr
Sol arqyly zań jobalarynyń erejelerin qoǵamdyq birlestiktermen, úkimettik emes uıymdarmen jáne buqara halyqpen talqylaý qamtamasyz etiledi. Osyndaı túsinik bergen Úkimet «Normatıvtik quqyqtyq aktiler týraly» zańǵa jańa tolyqtyrýlar engizýdi kózdeıtin zań jobasyn QR Parlamenti Májilisine berdi, dep habarlaıdy QazAqparat.
Ázirlenetin zań jobalarynda zańǵa táýeldi normatıvtik- quqyqtyq aktilerdi ázirleý týraly erejeler jıi kózdeledi. Degenmen, Úkimettiń paıymdaýynsha, ázirleýshi memlekettik organdardyń barlyǵy bul normatıvtik- quqyqtyq aktige qandaı erejeler engiziletinin bile bermeıdi. Osyǵan oraı norma shyǵarý qyzmetin sapaly júrgizý jáne memlekettik organdardyń artyq norma shyǵarýyn boldyrmaý maqsatynda zań jobasynda ony iske asyrýǵa qatysty barlyq normatıvtik- quqyqtyq aktilerdi usyný erejesi engizilmek.
Zańnamalyq bastamanyń barlyq sýbektileriniń zań tehnıkasy erejelerin birkelki qoldanýy maqsatynda zań tehnıkasyn «Normatıvtik quqyqtyq aktiler týraly» Qazaqstan Zańyna qosymsha retinde resimdeý usynylǵan.
Zań jobasyn qabyldaý keleńsiz áleýmettik-ekonomıkalyq saldarǵa ákep soqpaıdy jáne memlekettik bıýdjetten qosymsha qarjy shyǵyndaryn talap etpeıdi.